Показать содержимое по тегу: Сараптама
Осы уақытқа дейін латын алфавитінің жүздеген нұсқасы жасалды. Басым көпшілігін әуесқойлар, біршамасын тіл мамандары, қалғанын ресми институттар ұсынды. Бір жағынан бұл жақсы тенденция. Азаматтық қоғамның шағын бір көрінісі. Алайда алфавит нұсқаларының көп болуы сапаға әсер еткен жоқ. Тіпті бұл іспен кәнігі филологтардың айналысуы да керемет нәтиже көрсетпеді. Мейлі бұл менің субъективті көзқарасым болсын, бірақ осы уақытқа дейін ұсынылған алфавиттердің денін шала дер едім. Қай нұсқаны қарасаң да авторлар мәселеге тар фокуспен қараған. Бірі тек графикалық тұрғыдан келсе, екіншісі сыртқы көркемдігіне ғана мән береді. Үшіншісі өзінің саяси көзқарасына сай, төртіншісі өзінің мамандығына ғана ыңғайлы алфавит жасайды. Енді бірі мүлде жеке басының абыройын күйттеп кеткен. Арасында тіпті діни көзқарасымен араб тілінің тәжірибесіне салып, кейбір дауысты дыбыстарды мүлде алып тастайтын жобалар болды. Қысқасы, тіл табиғатына икемді, уақыт талабына сай, экономикалық сұранысқа лайық, технологиялық қажеттіліктерін өтей алатын кешенді жобаны көре алмадық. Көбі алфавит құраумен емес, транслитерациямен айналысты.
Опубликовано в
Шешімгер
Құрама Штаттардың әлемді жеке-дара билеп келе жатқанына биыл жиырма жеті жыл. Жақсы ма, жаман ба, ол жағын болашақ ұрпақ бағалай жатар, ал бір полярлы әлем аясындағы екі ондық белес тарих күресінінде қалып барады. Бір жағынан, бұл мерзім балапандарды санайтын кез келгенін танытады. Әлем Сэм ағайдың көшбасшылығынан ұтты ма, ұтылды ма? Әлбетте, АҚШ-тан бастау алған соңғы жаһандық экономикалық дағдарыс талайларға күмәнді ой салып үлгерді. Дүниенің ендігі саяси даму бағдары қалай болмақ? Мұның арты әлемдік саяси дағдарысқа ұласпай ма? Дағдарыстан кейінгі кезеңде Трамптық Американы қаншалықты өміршең дей аламыз? Өз кезегінде осы сауалдардың барлығының академиялық негіздеме талап ететіні белгілі.
Опубликовано в
Сарап Time
Тегтер:
Соңғы бір аптадан бері әсіресе, ТМД көлеміндегі БАҚ пен электронды интернет басылымдар бір-ақ нәрсені жете қозғап, терең зерттеу үстінде.
Опубликовано в
Сарап Time
АҚШ-та сайлау додасы жақындаған сайын президенттікке кандидат Дональд Трамп пен Хиллари Клинтон арасында бәсекелестік қыза түсуде.
Сарапшылардың айтуына қарағанда, Клинтоннан гөрі жұртшылықты Трамптың көзқарасы көбірек қызықтыратын сияқты. АҚШ демократтары Трамптың билік басына келуіне қарсы. Мұның көптеген себептері бар. Республикалық партияның атынан додаға түсіп отырған Трамп ең алдымен АҚШ пен Ресей арасындағы қарым-қатынасты жақсартпақ. Сонымен қатар, НАТО ұйымын қайта құру туралы пікірі де америкашыл елдерге ұнап отырған жоқ. Осыдан біраз уақыт бұрын ол елге ағылып келіп жатқан мигранттарды шекарадан кері қайтару туралы ой айтқан. Сайлау жақындағанда бастапқы пікірінен айнып, елге заңсыз келген мигранттарға азаматтық берудің қажеті жоқ деп отыр. «Босқындарды Америка керек етпейді». АҚШ-тың өзі босқындар мен сырттан келген келімсектерден құралғанын ескерсек, Трамптың сөзі оларға түрпідей тиетіне анық. Бұл ғана емес, күніне мың құбылатын Трамп енді сотталған шетел азаматтарын АҚШ-тан қуып, отанына қайтару идеясын ұсынып жүр.
Бұдан шығатын қорытынды не? Бір пікірін алуан түрлі етіп айта беретін Дональд Трамп 8 қарашада өтетін президенттік сайлауда қатарласынан оқ бойы озып шыға ала ма? Бірақ көптеген сарапшылар әпербақандау Трамптың қазіргі әрекеті ешқандай жеңіс әкелмейді деп отыр. Уақыт көрсетер. Дегенмен, АҚШ тарихында АҚ үйдің басшылығына президент әйелдің келмегенін ескерсек, Хиллари Клинтонның мемлекет басқаруға толық мүмкіндігі туып тұр.
Опубликовано в
Сарап Time
Жарнама мен делдалдың көмегімен екінші деңгейлі нарықтан бағасы қолайлы пәтер таптыңыз делік. Сатушымен келісіп, үйді көруге бармақсыз. Ең алдымен не нәрсеге мән беру қажет? Жаңа пәтерді мынадай 5 критерий бойынша тексеріп көрсеңіз болады.
| Критерий | Мәселелер | Нені тексерген дұрыс? |
|---|---|---|
| Қабат | Бірінші қабатта — жертөленің дымқылдығы, көшеден келетін иіс пен шуды бақылап, ұрылардан сақтану шараларын жоспарлау керек. | Жертөлені, үй тұрған ауданды, үй ауласының тазалығын тексеріңіз. |
| Ең жоғарғы қабатта — шатырдан су ағуы мүмкін | Шатырды қашан соңғы рет жөндеуден өткізгенін сұраңыз. Қабырғаларды қарап көріңіз, егер шатырдан жиі су ағатын болса дымқыл не судың ізі тұрады.
Су ағызып көріңіз — жоғарғы қабаттарда әдетте су ақырын ағады, не ыстық су жетпей, тек мұздай су ағады. |
|
| Жарық | Оңтүстік | Жылы жақ. Бөлме гүлдеріңіз бен аквариумыңыз болса тұруға ыңғайлы. |
| Солтүстік | Егер бөлме ішіндегі әлсіз қараңғылықты ұнатсаңыз қолайлы. | |
| Батыс-шығыс | Таңертең және кешке күн барлық пәтерді жарықтандырып тұрады. | |
| Қабаттағы пәтерлер саны | Төртеуден көп болғаны жаман | Шулы әрі тар болғандықтан, көршілермен сыйысып өмір сүруге тура келеді. |
| Қабырға мен лифт | Қабырға мен лифт шахтасы жалғасып кеткені жаман | Лифттің жүргені пәтерге қалай әсер ететінін тексеріңіз, себебі кейде даусы қатты шығып, тыныштық бермеуі мүмкін. |
| Көршілер | Көп болғаны жаман | Көршілер көп болған сайын пәтер шулы бола түседі. Мүмкіндік болса, қабырғалас, я қабаттас көршілердің шарапқа құмарлары бар-жоғын бақылаңыз. |
Өзіңіз тұратын ауданды тексеріп көріңіз
Пәтерді тек күндіз жақсы жарықта көру керек, себебі бөлменің қаншалықты жарық екенін сол кезде көруге болады. Кешкі қараңғылық бөлмедегі жарықтар мен кемшіліктерді көрсетпей қойғандықтан күн батқан соң пәтер көруге бармағаныңыз дұрыс.
Дұрысы, ұялы телефоныңызға барлық көрген кемшіліктерді түсіріп алыңыз. Барлық пәтерді аралап, алғашқы әсеріңіз басылған кезде кемшіліктерді салыстырып қарауға болады. Терезеден не көрінетініне мән беріңіз — қай бағытқа қарай шығады, алаңқайда не тұр? Егер балаңыз болса, балалардың ойын алаңы көрініп тұруы маңызды.
Пәтер бөлмелерінің орналасуы
Пәтердегі бөлмелердің орналасуын талғамыңызға байланысты таңдайсыз. Дегенмен, бөлмелері ыңғайлы орналасқан пәтерді қалай таңдағанда мыналарды ескеріңіз:
*Егер пәтер екі бөлмелі болса, бөлмелер бөлек орналасуы керек.
*Бір бөлмелі пәтер жарық болу керек.
*Бөлмелердің кіріп-шығу ыңғайлылығы, арасындағы дәліздердің кеңдігін қараңыз.
*Әжетхана мен жуынатын бөлме бөлек болғаны ыңғайлы, ал біріккені көп жерді алмайды. Өзіңізге не маңызды екеніне байланысты таңдаңыз.
Мамандардың кеңесі бойынша, отбасы үшін екі кең бөлмелі пәтерден гөрі, шағын, бірақ үш бөлмелі пәтер алған дұрыс. Бұл келешекте адам санына байланысты қайтадан көшіп жүрмес үшін дұрыс таңдау болуы мүмкін.
Пәтердің инфрақұрылымын қарап шығыңыз
Техникалық инфрақұрылым — жөндеудің ең қымбат бөлігі. Пәтердің төбесін көріп, электрсымдардың қалай орналасқанын сұраңыз да, сантехника мен жылыту құбырларының жайын сұраңыз. Вентиляция мен шусыздандыруды тексеруді де ұмыт қалдырмаңыз. Терезе мен бұрыштарға көз салыңыз: егер бөлме дымқыл болса, онда көгерген зең басып тұрады. Пәтер бұған дейін жалға беріліп келсе, үйде сатып алған соң кілтті ауыстыру қажет. Одан бөлек, пәтерде есептеуіш бар-жоғын, бар болса соңғы рет қашан тексерілгенін көріңіз.
Саудаласуға себептер
Алғалы жатқан пәтерде мынадай кемшіліктер болса, саудаласып, үйді төмен бағада алуыңызға болады.
*«Қауіпті аудан». Үй маңында бөтелке пен ине жатуы мүмкін. Ол пәтерді сатып алу-алмау өз еркіңізде. Бірақ осындай көршілер — бағаны түсіруге жақсы себеп бола алады.
*Қабырға суық әрі дымқылданған.
*Бұрышта орналасқан, не бірінші қабаттағы пәтер.
*Балкон ескі, қауіпті және әйнекпен жабылмаған болса, пәтерге келетін шаң мен шуды желеу етіп бағаны түсірсеңіз болады.
Аян ҚАЛМҰРАТ
Дерек көзі: 7kun.kz
Опубликовано в
Сарап Time
Silteme.kz ақпараттық-сараптамалық порталы қазақ тілінде жаңалықтар тарататын және талдамалық материалдар жариялайтын ақпараттық ресурс.