Театр қойылымын бірінші болып Тәжікстан үкіметі жанындағы дін істері жөніндегі комитетінің қызметкерлері көрді. Мекеменің баспасөз хатшысы Афшин Мукимнің хабарлауынша, жақын күндері бұл спектаклді Гиссар алқабындағы мешіттердің қызметкерлері тамашалайды. Болашақта "Обу оташты" басқа да аймақтардағы мешіттердің имам-хатибтері көруі міндетті.

"Обу оташ" қойылымының премьерасы биыл ақпан айында өтті. Спектакль азаматтық қоғамдағы толеранттық тақырыбына арналған, мұнда діни фанатизм әжуаланған.

Қойылымды Дін істері жөніндегі комитет қызметкерлері тамашалаған уақытта, көрермендер залынан "Наузубиллах" ("Құдай сақтасын!") және "Астахфураллах" ("О, Құдай!") деген сөздер жиі естілген.

2014 жылдан бастап Тәжікстандағы мешіттердің имам-хатибтері айлықты мемлекеттік бюджеттен алады. Мысалы, Тәжікстан ислам орталығы кеңесінің төрағасы Саидмукаррам Абдукодирзоданың ресми айлығы - 2 мың сомони (220 доллар), ал ірі мешіттердің имам-хатибтері 1,5 мың сомони (170 доллар), шағын мешіттердің имамдары 800 сомони (шамамен 90 доллар) алады. Басқа да діни қызметкерлерге және басқа конфессиялардың діни қызметкерлеріне айлық төленбейді.

Еске салайық, бір жыл бұрын Тәжікстанның ішкі істер министрлігі Рамазон Рахимзода милиция қызметкерлерінен айына бір мәрте театрға баруын талап етті. Сол кезде тәртіп сақшылары Лахути атындағы Мемлекеттік академиялық театрда "Чархи гардун" тарихи спектаклін тамашалаған.