Дамушы елдер валюталары бағамдарының АҚШ долларына қатысты серпіні былайша қалыптасты:

 Индонезия рупиясы Индонезия банкі 7 күндік РЕПО мөлшерлемесін 4,75%-ға көтергеннен кейін 1,6%-ға (14 125-тен 13 896-ке дейін) нығайды;

 түрік лирасы Түркияның Орталық банкі ақша-кредит саясатының жедел құрылымын оңтайландыру туралы процесін аяқтау туралы шешім қабылдағаннан кейін 1,5%-ға (4,72-ден 4,65-ке дейін) нығайды. Реттеуші репоның бір апталық мөлшерлемесін монетарлық саясаттың негізгі құралы ретінде пайдалануға шешім қабылдады;

 үнді рупиясы 1%-ға (67,77-тен 67,06-ға) нығайды;

 Ресей рублі апта бойы айтарлықтай өзгерістерсіз бір АҚШ доллары үшін 62,22 рублі деңгейі шегінде саудалады;

 Оңтүстік Африка ранды инвесторлардың тәуекелді активтерге тәбетінің төмендеуі және шетелдік инвесторлардың ЮАР қор нарығында активтерді сатуы аясында 1,5%-ға (12,50-ден 12,69-ға дейін) әлсіреді;

 Мексика песосы АҚШ-тың НАФТА бойынша әріптес елдерден болат және алюминий импортына баж енгізуі аясында 2%-ға (19,54-тен 19,94-ке дейін) әлсіреді;

 Бразилия реалы Бразилияның Президенті М. Темердің Петробрас мұнай мемлекеттік компаниясының қызметіне үкіметтің араласпауы және баға саясатын сақтау туралы өтініштерінен кейін 3,3%-ға (3,65-тен 3,77-ге дейін) әлсіреді. Бұдан бұрын қаржы директоры Иван Монтейра Петробрас қызметкерлерінің наразылықтарынан кейін отставкаға кеткен Педро Парентидің орнына компанияның басшысы болды.