"Соңғы 7 жылда әуе көлігіндегі транзиттік жолаушылар ағыны 20 еседен астамға өсті. 2010 жылғы 20 мың адамнан өткен жылы 478 мың адамға дейін жетті. Қазақстан арқылы транзитпен өтетін негізгі жолаушылар ағыны келесі бағыттар бойынша байқалады: Қытайдан Еуропа, Ресей және Түркияға, Еуропа мен Үндістан, ОША арасында, Украина мен Өзбекстан арасында, Қырғызстан мен Оңтүстік Корея арасында.

Қазақстан арқылы авиатранзит тартымдылығын арттыру үшін Мемлекет басшысының «Қазақстанның үшінші жаңғыруы: ғаламдық бәсекеге қабілеттілік» Жолдауы шеңберінде 2017 жылдың аяғына дейін 600 мың және 2020 жылға қарай транзиттік әуе жолаушылар санын 1,6 млн. адамға дейін ұлғайту көзделеді.

Осы көрсеткіштерге қол жеткізу үшін жобалық басқару шеңберінде пилоттық режимде ЭКСПО-2017 өткізу кезінде қазақстандық авиакомпаниялармен Астана және Алматының әуежайлары арқылы транзитпен өтетін ҚХР азаматтарына 72 сағаттық визасыз режим енгізілген. Біздің елімізге ұшып келуді арттыруда маңызды рөлді ЭЫДҰ, ЕО, БАӘ, Малайзия, Сингапур Республикасы және Монако Корольдігінің азаматтары (барлығы 64 (45 жаңа+19бұрынғы) үшін визасыз режимді енгізу әсер ететін болады" - деп хабарлайды ведомства өкілдері.

"Сонымен қатар қызмет көрсетілген транзиттік ұшулардың өсімі байқалады. 2017 жылдың 5 айында ұшулар саны 48,5 мыңды құраған, бұл өткен жылдың сәйкес кезеңінен 5,9 % артық.

Жүк авиатранзитіне қатысты қажетті көлемдегі авиа жанар-жағармайымен қамтамасыз ету мәселесі маңызды болып табылады. Қазіргі уақытта отандық авиа жанар-жағармайының МӨӨ өндіретін көлем азаматтық авиацияның 30 % құрайды (2017 жылы өңдеу 241 мың тоннаны құрайды, болжамды қажеттілік – 800 мың тонна). Желкіліксіз көлем авиа жанар-жағармайды Ресей Федерациясынан көлік шығындарына орай жоғары құнмен (авиа жанар-жағармайының өзіндік құндағы нақты құнының үлесі шамамен 30-35 % құрайды) импорттау арқылы өтеледі" дейді олар.