"Көкпар" деген сөз "көк" және "бөрі" деген екі есім сөздің кірігуінен пайда болды, - деген ойды А. Қалиұлы айтып өтеді: "Көкпар тарту - әскери жаттығулардың бір түрі. Түрік қағанатындағы "Дербес бөрі жасақ" дегеніміз осындай жаттығудан өтіп сайланған батырлар тобы еді", - деп тұжырымдайды.
Мал баққан көшпелілер көк бөріні соғып алып, оны ат үстінде жүріп бір-бірінен ала қашып, мәз-мейрам болған.
Ал, академик Ә.Х. Марғұлан: «Сырдария мен Арал бойын мекендеген Сақ тайпалары жылсайын қасқыр тотемінің құрметіне арнап, қатысушылары қасқыр терісін жамылып, маска киетін атты-спорттық мейрам ұйымдастыратын. Бұл дәстүр түрік-моңғол тайпаларында күні бүгінге дейін сақталды. Қазақ, түрікмен, қырғыз елдерінде бұл ойын "көкпар - көк бөрі" деген атаумен сақталған. "Көкпар" атты ойынның қазақ халқындағы бір варианты "Қыз бөрі" - қасқыр терісі мен қасқыр маскасын киетін дәстүрлі сақ ойынының модификациясы болып табылады»- деп ойынға ғұрыптық мән береді.
Silteme.kz ақпараттық-сараптамалық порталы қазақ тілінде жаңалықтар тарататын және талдамалық материалдар жариялайтын ақпараттық ресурс.