Аталған шара бүкіл әлем назарын өзіне аударып отырған айтулы шараға ақпараттық-имидждік тұрғыда атсалысуға бағытталған.

"Біз шетелдіктер мен отандастарымыздың көңілін тегін кәдесыйлармен көтергіміз келді. Қарап отырсақ, сувенирлердің бағасы шарықтап тұр. Содан арнайылап "Бәйтерек батыр" мен "Домби" атты ойыншықтар әзірлетіп, сый шашу жасауды көздедік" дейді ұйымдастырушылар. 

Өз кезегінде, шетелдік бірнеше кісі алғыстарын айтып тарқасты. 

Ал елордалық тұрғын Саят Ибрай есімді азамат кәдейсыйды қолына алып тұрып, қор өкілдерінің ісін жоғары бағалайтынын жеткізді. 

"Меніңше, бізге осындай ілкімді қадамдар жетіспейді. Өткенде, әуежайдан қонақүйге жеткенше әкесінің құнын сұрап, шетелдікті тонап кеткен таксистің жыры бәрімізге белгілі. Қатты ұятқа қалдық. Ал мынадай ишараттар еліміздің қонақжайлығы мен дархандығын паш етеді" деп атап өтті ол. 

Айта кетейік, UNITED CITIZENS FOUND қоғамдық қорының жұмысы - ғылыми-зерттеу, білім қызметі, республиканың ақпараттық кеңістігі, ғылыми-практикалық семинарлары, конференциялары, дөңгелек үстелдер жағдайы жөнінде әлеуметтік зерттеулер ұйымдастыру және жүргізуге бағытталған. Сонымен қатар, ел тарихын ұлықтау, рухани-мәдени негіздерімізді қайта жаңғырту, елдік маңызы бар шараларға атсалсу сынды міндеттердің аясында қызмет атқарады.