Показать содержимое по тегу: жүргізуші куәлігі

Ақтөбелік полиция қызметкері Нұрдәулет Саршин қызметтік өкілеттілігін асыра пайдаланып, жүргізуші куәлігін алғысы келген адамдардың орнына сынақты өзі тапсырып келген. Ақтөбе облысы, Мұғалжар аудандық соты Әкімшілік полиция бөлімі, тіркеу-емтихан алу тобының аға мемлекеттік көлік инспекторы Нұрдәулет Саршинге қатысты қылмыстық істі қарады. Бұл туралы ҚазАқпарат хабарлады.

Енді қазақстандықтар жүргізуші куәлігін Электрондық үкімет порталы арқылы онлайн ауыстыра алады. Бұл туралы baribar.kz мәлімдеді.

«Қазақстандықтар жүргізуші куәлігін Электрондық үкімет порталында ауыстыра алады. Бұл қызмет Астана, Алматы қалалары мен облыс орталықтарының  тұрғындарына ұсынылады. Жүргізуші куәлігін онлайн тәртіпте ауыстыру үшін электрондық-цифрлық қолтаңба қажет. Қызмет алушы еgov.kz порталында авторизациядан өткеннен кейін электрондық өтінішті толтырып, электронды сандық қолтаңбамен (ЭЦҚ) қол қоюы тиіс. Өтінішпен қоса, фотосурет пен қойған қолының скан-суретін де жолдап, сондай-ақ мемлекеттік баж салығын төлеуі керек. Айта кетейік, жүргізуші куәлігінің баж салығы 1,25 АЕК-ті (3007 теңге) құрайды»,-  делінген хабарламада.

• Қызметті онлайн тәртіпте рәсімдегеннен кейін жеке кабинеттегі «Қызметтерді алу тарихы» бөлімінен  толтырылған электрондық өтінішті және «Қызметтерді төлеу тарихы» бөлімінен мемлекеттік баж салығын төлеу туралы электрондық чекті басып шығару керек.
• Дайын құжатты алып кету үшін тұрғылықты жерде орналасқан мамандандырылған ХҚО-ға немесе жол полициясының Тіркеу-емтихан алу бөлімшелеріне бару керек.
• Өзіңізбен бірге қағазға басып шығарылған өтініш пен чекті, ауыстыратын жүргізуші куәлігін, жеке басыңызды куәландыратын құжатты, психиатриялық және наркологиялық диспансерлерден анықтамаларды, 083-нысандағы медициналық анықтаманы апару қажет.

Медеу аудандық соты алматылық тұрғынды салық төлемегені үшін жүргізу куәлігінен айырды, деп хабарлайды Tengrinews.kz тілшісі.