Ол басылым өкілінің «Кейбіреулер осы күнді оңай ғана келе сал­ғандай сезінетін сияқты. Біз, бүгінгі ұр­пақ тәуелсіздіктің қадіріне жетіп жүрміз бе?» деген сауалына: 
«Тәуелсіздік жолында ата-бабалары­мыз ғасырлар бойы тер төкті. Елін, жерін қорғау үшін жанын да, қанын да аямады. Кеңестер Одағы кезінде тілімізден, ділі­міз­ден, дінімізден айырылып қалуға шақ қал­­дық. 1986 жылғы Желтоқсан оқиғасы – қазақ жастарының Тәуелсіз­дікке ұм­тыл­ған бір көрінісі. Бұл – жылдар бойы жиналған іштей наразылықтың белгісі. Өрімдей жастарымыз желтоқсанның ақ қар, көк мұзында кеуделерін оққа тосты, қыршынынан қиылды. Бүгінгі ұрпақ соны жете түсінуі тиіс. Елімізде бей­біт­шілік, татулық, бірлік болуы керек, біз сонда ғана діттеген ұлы мақсаттары­мызға қол жеткіземіз» деп жауап берді.