«Біз халықтың үні болуымыз керек. Мәслихат депутаты тек шенеунік емес, ең алдымен, жергілікті тұрғындардың проблемаларын түсініп, шешуге атсалысатын жанашыр азамат болуы тиіс», – деді ол.

Сонымен қатар, депутаттарға құқықтық кепілдік беру, біліктілікті арттыру және материалдық қолдау көрсету мәселелері сөз болды.

Мұқашев мәслихаттардың үздіксіз жаңғыруы қажет екенін ерекше атап өтті. «Қоғамдағы өзгерістерге бейімделу, азаматтардың сенімін нығайту және тиімді басқару – уақыт талабы», – деді спикер.

Жиын барысында бірқатар депутаттарға «Құрметті депутат» төсбелгісі, алғыс хаттар мен грамоталар табысталды. Сонымен бірге, жаңа жұмыс форматтары бойынша жоспарлар ұсынылды. Бұл бастамалар мәслихаттардың тиімділігін арттырып, өңірлік даму процесін жеделдетуге бағытталған.