«Мәслихат – бұл жергілікті өзін-өзі басқару саласындағы басты буын. Біз бірлескен күш-жігер арқылы аймақтардың дамуы мен халықтың әл-ауқатын жақсартуға қол жеткізе аламыз», – деді ол. Мұқашев сондай-ақ депутаттардың халықпен тығыз байланыста жұмыс істеп, жергілікті мәселелерді шешуге белсенді қатысуы керектігін айтты.

Жиын барысында салаға еңбегі сіңген депутаттарға «Құрметті депутат» төсбелгісі, алғыс хаттар мен грамоталар табысталды. Сонымен қатар, әр округте арнайы кеңестер құру туралы бастама ұсынылды. Бұл кеңестер азаматтық қоғамның түрлі өкілдерін біріктіріп, аймақтардың әлеуметтік-экономикалық дамуына ықпал етпек.

Төраға барлық депутаттарды жауапкершілікті күшейтіп, ел болашағы үшін белсенді жұмыс істеуге шақырды. «Қуатты өңірлер қуатты мәслихаттармен бірге дамиды», – деп қорытындылады ол.