Нағыз джентльмен жанындағы сұлуға үнемі есік ашады. Есік ашу – өзін қорлау емес, керісінше, сыпайылық пен сыйластықты білдіреді. Әйелді алға жіберіп, артынан оны қорғап жүруі керек;                                                                                Нағыз джентльмен жолдың шетінде жүреді. Жолдың шетінде жүрсе, сұлуын жолдағы көліктерден сақтап, төтенше жағдайлардың орын алуына жол бермейді;                                                                                                Джентльмен сырт киімін береді. Ауа райы қолайсыз болған жағдайда, ер адам үнемі өзінің сырт киімін жанындағы сұлуына шешіп береді. Осылайша, оның тоңып қалмауын қадағалайды. Бұл өте романтикалық көрініс. Мұндай ердің жанында, әйел адам өзін қолайлы сезінеді;           Джентльмен ешқашан кешікпейді. Кешіккен адамды ешнәрсе де ақтай алмайды. Уақытылы келу әйел адамға да, ерге де тән қасиет болуы қажет. Кешігіп келу – сыйластықтың жоғын білдіреді;                                                                             Джентльмен үнемі жылы сөздер мен мақтаулар айтады. Асыра сілтеудің қажеті жоқ. Әйел адамға шын жүректен шыққан сөзді есту жеткілікті. Жылы сөздер айтуды әдетке айналдырғаныңыз жөн. Бұл жарыңызбен араңызды жақындата түседі;                       Джентльмен орындықты жылжытып, жарына отыруға көмектеседі. Ер адам барған жерінде үнемі жарына сүйеу болуы тиіс. Орындығын жылжытып, әйелінің ыңғайлы отырғанына көз жеткізген соң, өзі отырады. Мұндай әрекеттер әйелге өзін емін-еркін және сенімді сезінуіне көмектеседі;                                        Джентльмен үнемі орын береді. Ер жігіт автобуста, метрода, кез келген жерде, орнынан тұрып, орын береді. Орын беру қиын әрекет емес, керісінше, өзінің тәрбиелі, нағыз ержігіт екенін көрсетеді; Джентльмен әйел адамның әрекеттерін бақылап отырады. Ер адам әйеліне сырт киімін киіп-шешуге көмектеседі. Мұндай әрекетімен өзінің қамқорлығын көрсетеді; Джентльмен жарының еңбегін бағалай біледі. Ер жігіт “рақмет” және “өтінемін” сөздерін айтуды ұмытпауы тиіс. Бұл сөздер сыпайылықты білдіреді; Джентльмен үстел үстінде өзін орынды ұстай біледі. Ауыз толтырып сөйлеу, тамақты тамсанып жеу, пышақты қолайсыз ұстау – ер адамға жат қасиет. Мұндай әрекетіңізбен сұлуыңызды алшақтатып алуыңыз мүмкін; Джентльмен дөрекі сөйлемейді. Бармен, кондуктор, директор, сатушы, даяшы, яғни қандай қызметте жұмыс істесеңіз де, дөрекі сөйлеуге болмайды. Мұндай әрекетіңізбен “ер адам” деген статусыңызды жоғалтасыз. Ер адам жарына да ешқашан дауыс көтеріп сөйлемейді. Ер жігіт үнемі сабырлы, байсалды болғаны жөн; Джентльмен барған жерінде ақысын өзі төлейді. Кешкі астың ақысын ер адам төлеуге міндетті. Бұл талқыланбайтын дүние;                                    Джентльмен сұлуын шығарып салады. Лайфхак: сұлуын үйіне дейін шығарып салған ержігіт, оның алдында өзін нағыз джентльмен қып көрсетеді. Сонымен қоса, сұлуының үйіне аман-есен жеткеніне сенімді болады;                   Джентльмен тыңдай біледі. Ер адам өзі ғана сөйлеп қоймай, жанындағы адамды тыңдай біледі және өзгенің сөзін ешқашан бөлмейді. Әйелінің сөзін соңына дейін тыңдай білген ер адам үлкен құрметке ие болады;                     Джентльмен сөзіне жауап береді. Ер адам артық сөйлемейді және құпияны сақтай біледі. Нағыз ер жігіт бостан-босқа сөз бермейді. Ал сөз берген жағдайда, міндетті түрде орындайды; Джентльмен әр нәрсеге ұқыпты болады. Ер адам әйелінің нені ұнататынын, киімінің өлшемін, қандай түсті жақсы көретінін, яғни әйеліне қатысты барлық дүниеге үлкен мән береді. Мұндай әрекеттер ер мен әйелді жақындата түседі. Әйел адамға ерінің байқағыштық қасиетінің болғаны ұнайды;                                                     Джентльмен отбасына құрметпен қарайды. Маңызды шешім қабылдамас бұрын, ер адам отбасымен ақылдасады. Туғандарын сыйлайтын ер адам, әйеліне де құрметпен қарайтын болады; Джентльменнің қолынан бәрі келеді. Үйде бірдеңе қирап қалса, су бітелсе, жарық өшіп қалса, ер адам бәріне де икемді болып, тығырықтан шығудың жолын таба білуі тиіс; Джентльмен жарын ешкіммен салыстырмайды. Әйел адамға ұнамайтын дүниелердің бірі – өзгелермен салыстыру. Жарыңыздың алдында басқа әйелдер туралы сөз ету, оларды мақтау, үлгі ету секілді дүниелерді жасамағаныңыз жөн. Мұндай қателікті ешқашан жіберіп алмаңыз, ендеше жарыңызда қатты ренжітіп аласыз. Джентльмен сезімін білдіре алады. Ер адам шын жүрекпен жақсы көреді және өз сезімдерін көрсетуден ұялмайды. Әйелін қалай бақытты ету керектігін және жылы сөздер айтудан қысылмайды. Жарының алдында сезімталдығын көрсете біледі.                                          

Ер жігіт болып туылған болсаң, онда жоғарыда аталған ережелерді сақтай біл! Джентльмен болу – аса қиын дүние емес. Бірақ “джентльмен” атауына ие болу үшін, өзіңді лайықты етіп, көрсете біл. Нағыз ерге тән әдептерді ұстану арқылы құметке ие болатыныңды ұмытпағайсың.