Қорық-музей директоры Ж.Әубәкір алдағы уақытта да бірлесе жұмыстар атқаратындықтарын тілге тиек етті. Сонымен қатар Дж.Трапман жуырда Қазақстанға қайта келіп Қожа Ахмет Ясауи туралы бейне түсірілім жасайтындығын мәлімдеді, деп хабарлайды Түркістан қаласы әкімдігінің баспасөз қызметінен.

 Музей әкімшілігі аудармашы ғалымға шығармашылық табыс тілеп, қазақы дархан көңілмен сый-сияпат жасады.

Айта кетейік, музейден тарихи, рухани қаланың өткенi, кешегiсi туралы толық мағлұмат алуға болады. Музей экспозициясы үлкен-үлкен сегiз бөлiмнен тұрады. Музей қызметкерлерiнiң мақсаты көне қаланы «музейлер қаласы, рухани орталық» ретiнде түрленте беру. Қазақстан Республикасының Президенті Нұрсұлтан Назарбаев Түркістан қаласына ат басын тіреген кезінде: «Қазақстанның рухани орталығы Түркістан», - деген болатын. Сондықтан «Әзірет Сұлтан» қорық музейінің халқымыздың рухани өсіп өркендеуінде алатын оны ерекше. Әрине, әлемдік деңгейде ғылыми зерттеулер мен жобалар жасаушылар болса, тіпті бейне фильм түсіріп, рухани орталығымызды әлемге танытып жатса қанеки. Кез келген елді әлемге таныту тек ол елдің рухани-мәдени құндылықтары арқылы жүзеге асырылатын дүние.