Бұл туралы облыстық денсаулық сақтау басқармасының басшысы Гүлнар Құлышева:  - Биыл облысымызға 313 медициналық маман келді. Оның 51-і дәрігер және 262-сі орта дәрежелі медицина қызметкері. Әлі 150 маман жетпейді, - дейді облыстық денсаулық сақтау басшысы.  Құлышеваның айтуынша, жалпы, тәжірибелі дәрігер, неонатолг, акушер-гинеколог, анестезиолог-реаниматолог, аллерголог, психиатр және онколог дәрігерлер өте қажет. Мәселен, Ақмола облыстық балалар ауруханасына кем дегенде 13 нозолог дәрігер жетпейді.  -Кадр мәселесі өте қиын болып тұр. Педиатрлар тапшы. 13 нозолог, ультрадыбыстық диагностика, анестезиолог-реаниматолог, гематолог, клиникалық фармаколог, фармацевт, неонатолог, аллерголог, ревматолог, офтальмолог мамандар керек, - деп айтты медициналық мекеменің бас дәрігері Серік Ақшалов.  Медицина кадрларын тарту жоспары аясында 2015 жылы облыс басшысы Сергей Кулагин бес жыл ішінде 120 түлекті медициналық академияға оқуға жіберіңдер деп аудан және қала әкімдеріне тапсырма берді.«Жергілікті бюджет есебінен медициналық жоғары оқу орындарында 105 студент, оның 71-і шаруашылық субъектінің есебінен білім алады», - деп нақтылады Г. Құлышева.Сондай-ақ, әкім грантын иеленген 20 студент те тегін оқып жүр.