Нью-Йорктың Челси ауданында сенбі күні жарылыс болып, 29 адам зардап шеккен еді. Жарылыс дүкендер мен мейрамханалар, гей-клубтардың шоғырланған жерінде орын алған. Оқиға болған жерге жақын маңнан жылдам қайнатқыш ыдысқа ұқсас затқа сыммен жалғанған ұялы телефоны бар күдікті зат табылған болатын. Полиция бақылау камерасынан белгісіз біреудің оқиға болардан 40 минут бұрын брезент сөмке көтеріп өткенін көрген. Әлгі адам 10 минуттан кейін күдікті зат табылған жерден сол сөмкемен қайта өткен. Құқық қорғау органдарының мәліметінше, ол адам сөмкені жолаушылар жолына қалдырған да, белгісіз екі адам одан қоқыс пакетін алған. Олардың айтуынша, ол пакетте әлгі ыдысқа ұқсас, қолдан жасалған жарылғыш зат болған. Сөмкені әкелгендер мен оны жолға тастағандардың арасында не байланыс бары, олардың кім екендіктері әлі анықталған жоқ.