Ұрыны ұстап алған кондукторларға сыйақы беріледі
27.03.2018, 12:36

Ұрыны ұстап алған кондукторларға сыйақы беріледі

Павлодардағы жолаушы тасымалымен айналысатын фирмалар Ішкі істер департаментімен бірлесе отырып қылмыстардың ізін суытпай ашу жөнінде меморандум жасасты.

«Полицейлер қоғамдық көліктердегі ұрлықтардың алдын алу мақсатында автобустар мен маршруттық такси салондарына бейнакамералар орнату жөнінде кеңестер берді»,-деп хабарлайды Павлодар облыстық ІІД баспасөз қызметі. Жолаушы тасмалдаушылар мен полицейлер бас қосқан мәжілісте осы мәселе талқыланып, бірлескен меморандумға қол қойылды. Жиынға Павлодар, Екібастұз, Ақсу қалалаларындағы автобус парктерінің өкілдері мен қалааралық жолаушы тасымалымен айналысатын фирмалар қатысты. «Жиынға қатысушылар автобус салондарына қалтаға түскіш ұрылардың ескерту суреттерін іліп қою туралы ұсынысқа қолдау білдірді. Полиция қызметкерлері аталмыш қылмысқа куә болып, ұрыны қолға түсірген кондукторлар мен жүргізушілерге сыйақы тағайындауды тәртібін түсіндірді. Олар 102-ге қоңырау шалып, қоғамдық тәртіпті бұзған адам туралы ақпаратты кез келген уақытта жедел басқарма орталығына жеткізе алады»,-дейді баспасөз қызметі.

Полицейлер маңызды қылмыстық ақпарат бергендерге ақшалай сыйақы табысталатыны жөнінде уәде берді.

ДЕРЕККӨЗ: ҚазАқпарат


Silteme.kz ақпараттық-сараптамалық порталы қазақ тілінде жаңалықтар тарататын және талдамалық материалдар жариялайтын ақпараттық ресурс.

Материалдар мен ақпараттарды портал брендін көрсетіп, гиперсілтеме жасаған жағдайда ғана қолдануға рұқсат етіледі. Ақпараттан мәтін,  мәтін бөлігі немесе дәйексөз алынғанда міндетті түрде тиісті сілтеме көрсетілуі керек. Жазбаша түрде рұқсат берілмеген жағдайда ресурс өнімдерін коммерциялық мақсаттарға пайдалануға жол берілмейді. Авторлар пікірі мен редакция көзқарасының сәйкес келе бермеуі мүмкін. Жарнама мен хабарландырулардың мазмұнына жарнама беруші жауапты.

E-mail: info@silteme.kz
Тел.: +7 778 442 84 13

Әлеуметтік желілер