«Мәслихат – бұл мемлекеттік басқарудағы халықтың дауысы. Депутаттар өз сайлаушыларының мәселелерін тыңдап, жергілікті проблемаларды шешуге атсалысуы керек», – деді астаналық қонақ. Төраға сондай-ақ заманауи жұмыс форматын енгізу қажеттігін айтып, әр округте арнайы кеңестер құруды ұсынды. Бұл кеңестер азаматтық қоғамның түрлі өкілдерін біріктіріп, аймақтардың әлеуметтік-экономикалық дамуына ықпал етпек.

Жиын барысында мәслихаттарға еңбегі сіңген депутаттарға «Құрметті депутат» төсбелгісі, алғыс хаттар мен грамоталар табысталды. Төлеубек Мұқашев барлық мәслихатшыларды жергілікті мәселелерді шешуде белсенді болуға шақырып, «Қуатты өңірлер – қуатты ел» қағидатын жүзеге асыруға атсалысу қажеттігін ерекше атап өтті.