Жанға қатысты процестердің бәрін И.П.Павловтың "Шартты және шартсыз рефлекстер" ілімі мен И.М.Сеченовтың "Жүйке әрекетінің екі сигналдық жүйесі теориясы" төңірегінде ғана қарастыру мүмкін болды. Ал, сол жантанушы маман иелері "психологтарды" даярлау ісінің өзі де өте тар шеңберде жүзеге асты. Көпке дейін психологқа жүгінетіндер тек "бір шаригі жетіспейтін" адамдар деген түсінік қалыптасты көпшілік арасында. Тек қазір ғана психологтың қажетті маман иесі екендігін сезіне бастағандаймыз. Онда да, көбінде "популярная психология" дейміз ғой, ол дегеніміз, ғылыми негізі жоқ, болжамға құрылған, бірақ ғылыми психология ретінде орын алуды қалайтын психологияның бір салалары. Бірақ адамзатқа, қоғамға қызмет еткен ғылымның бәрі жарамды. Әркім өз жүрегіне жақынын таңдап алуға құқығы бар. Десек те, эзотерика, фен-шуй, астрология, нумерология, тіпті мынау НЛП десек, ол да осы топта, трансперсоналды психология, айта берсек, өте көп. Оның бәрі де бізге шетелден келгені айтпаса да түсінікті.
Қазақ халқының көзқарасы туралы қай нәрсеге болсын жауап іздесек, ұлттық жауҺарларымыз, халық даналығы, құнды дүниелерімізден, әдебиетіміз бен мәдениетімізден жауап табатынымыз анық.
Яки, біздің ұлттық болмыс-бітіміміз бен менталитетімізге, мәдениетімізге қайшы нәрсенің бәрі біздің ұлтымызға да қарсы дер едім.
Жалғасы бар.

Авторы: Шолпан Кенжеева

©ak-kelin.kz