Футболда сіз білмеген 7 оқиға
27.01.2018, 18:17

Футболда сіз білмеген 7 оқиға

Футболсүйер жанкүйерлерге әлемдегі №1 спорт туралы қызықты деректерді ұсынамын.

1. Италиядағы Асти қаласында өткен жолдастық матчта жергілікті команданың шабуылшысы Маскио допты тебе алмай, аяғы жерге тиген. Қатты тепкені сонша, аяғы жерге тиген соң жарақаттанып қалған. Нәтижесінде кейін зерттеушілер футболшы тепкен жерді зерттеп, тарихи маңызды қаңқа тауып алған. Соның арқасында Маскиоға қаржылай сыйақы мен «археологиялық зерттеуге көмектескені үшін» сыйлық берілді.

2. Бразилиялық қорғаушы Пинейро гол соғудан рекордсмен болған. Бір айырмашылығы – голды қарсыласқа емес, өз қақпасына көп соғыпты. Пинейро бір маусымның ішінде өз қақпасына 10 гол соққан. Кейін оны бапкерлер шабуылға қойған. Бірақ шабуылда ойнаған алғашқы матчында-ақ Пинейро өз қақпасына гол соғыпты. Кейін футболшы 25 жасқа толған соң командалас әріптестері оған қарсылас қақпасын қателеспей табуы үшін компос сыйлаған.

3. Тағы бір автогол туралы. 60 жылдардың ортасында италиялық «Брешиада» ойнаған қорғаушы Мацциа рекорд орнатқан. Ол «Мантоваға» қарсы матчтың 38-секундында өз қақпасына гол соғып, ең жылдам автогол авторы атанды.

4. 1959 жылы Гельзенкирхенде стадион әкімшілігі қателесіп, гандбол және футбол матчтарын бір уақытқа қойған. Командалардың ешқайсысы да беріспей, қос ойын да сол алаңда өтті. Нәтижесінде, бір уақытта алаңда төрт команда мен екі доп болды.

5. Италиялық қақпашы Гроссо ойын кезінде төрешіге «көзілдірік сатып ал» деп кеңес берген. Бұл үшін рефери оны алаңнан қуады. Кейін белгілі болғандай, Гроссоның оптикалық дүкені бар екен, ал төрешінің, расымен де, көзі нашар көретін болып шықты. Сондықтан, тәртіптік кеңес қақпашының төрешіге айтқан сөзін тіл тигізу емес, ақылға қонымды кеңес деп бағалапты. Нәтижесінде, Гроссоның қызыл қағазы есептелмей, төреші оның дүкенінен көзілдірік сатып алған.

6. Испанияның екінші лигасындағы «Сан Исидро» мен «Олимпико Карранте» матчында қызық оқиға болды. Қос команданың да ойыншылары төрешіні қоршап алып, шешіміне қарсы шыққан. Футболшылар шектен шығып бара жатқан соң, төреші ерекше шешім шығарды – алаңдағы 22 футболшыға да қызыл қағаз көрсетіп, бәрін алаңнан қуған.

7. 1891 жылы ирландиялық маман Джон Пенальти қорғанып жатқан команданың айып алаңында ойын тәртібі бұзылса, он бір метр айып соққысын жасауды ұсынған. Алғаш рет бұл ереже ирландиялық футболда қолданылды. Қазір бүкіл әлемге танымал бұл ереже Джон Пенальтидің құрметіне «пенальти» аталады.

Төлеш Есет

©prosports.kz

Silteme.kz ақпараттық-сараптамалық порталы қазақ тілінде жаңалықтар тарататын және талдамалық материалдар жариялайтын ақпараттық ресурс.

Материалдар мен ақпараттарды портал брендін көрсетіп, гиперсілтеме жасаған жағдайда ғана қолдануға рұқсат етіледі. Ақпараттан мәтін,  мәтін бөлігі немесе дәйексөз алынғанда міндетті түрде тиісті сілтеме көрсетілуі керек. Жазбаша түрде рұқсат берілмеген жағдайда ресурс өнімдерін коммерциялық мақсаттарға пайдалануға жол берілмейді. Авторлар пікірі мен редакция көзқарасының сәйкес келе бермеуі мүмкін. Жарнама мен хабарландырулардың мазмұнына жарнама беруші жауапты.

E-mail: info@silteme.kz
Тел.: +7 778 442 84 13

Әлеуметтік желілер