Показать содержимое по тегу: ЭКСПО

Биыл 31 желтоқсанда сағат 21:00-ден 03:00-ге дейін қазақстандық эстрада жұлдыздары ЭКСПО мұз қалашығында, сондай-ақ қалалық әкімдіктің жанындағы алаңда ашық аспан астында елордалықтарға көңіл күй сыйлайды. Бұл туралы қала әкімдігінің баспасөз қызметі хабарлайды.

«EXPO әсерінен» жігерленген Астана билігі туризм саласындағы көрменің жетістіктерін баянды етудің амалын ойластыруда, деп хабарлайды ЭКСПО-2017 медиа орталығына сілтеме жасай отырып silteme.kz.

Қайырымдылық - қайырлы іс. Оңтүстік Қазақстан облысы, Бәйдібек ауданы киелі жерлерімен ғана емес, ел қамы үшін қамқорлық жасаудан қысылмайтын атымтай жомарт жандармен де танымал. Солардың бірі, әрі бірегейі осыған дейін де көптеген тұрмысы төмен отбасыларға қолдаушы, ауқымды іс-шараларға демеуші болып келген филантроп Оралбек Ботбай еліміздің тарихындағы маңызды оқиға ЭКСПО көрмесіне барамын деген Қошқар Ата ауылының үздік оқитын 30 оқушысына және 10 мұғаліміне көрме билеттерін тарту етті.

13 тамыз күні басталған экскурсия барысында оқушылар көрмедегі павильондарды аралап, ондағы жасыл энергетика саласындағы жобаларды тамашалады. Филантроп бизнестің әлеуметтік жауапкершілігі аясында осы іспеттес қайырымды істермен жиі айналысатынын жеткізді. Мәселен бұған дейін Астана, Алматы қаласында оқитын ЖОО студенттеріне өз атынан шәкіртақы тағайындап, көпке үлгі болар ізгі іс бастаған. Оралбек Ботбай осындай қамқорлықтары үшін «Алтын жүрек» сыйлығымен марапатталған. 

Елбасы Н.Ә.Назарбаевтың «Болашаққа бағдар: рухани жаңғыру» мақаласында айтылған «Туған жер» бағдарламасын іске асыру мақсатында аталған шараны қолға алып отырмын деген кәсіпкер, ішкі туризмді дамыту мақсатында оқушыларды Бурабай ұлттық табиғи саябағына да қыдыртты.

Ауыл оқушыларының сөзінше бұл олар үшін жасалған зор қамқорлық. Жазғы демалыс уақытында көрме жұмысын тамашалау барысында, білімге деген ынталары ашылып, шет тілдерін меңгеруге деген құлшыныстарын жасыра алмады. Ал, Оралбек Қожамжарұлының сөзінше, бұл туған елге қолдау таныту мақсатында жасалып отырған қайырымдылық шарасы. Болашақта туып-өскен жеріме қолдан келгенше қызмет етем деген ол, жуырда Қошқар ата ауылына жол салып, шет елдік инвесторлармен бірлесе отырып, 400 үйге күннен қуат алатын көше шамдарын орнатуды бастап кетті.          

7 маусымда EXPO көрмесінің аясында өтетін Димаш Құдайбергеновтың шоу-концертіне шетелдік әншілер келеді. Бірақ қонақтар тек Димашпен бірге дуэт орындайды, деп хабарлайды "Хабар" арнасы.

ЭКСПО-2017 ұйымдастырушысы кеңсесінде «Астана ЭКСПО-2017» ҰК» АҚ Басқармасының Төрағасы Ахметжан Есімов пен Америкалық-қазақстандық бизнес қауымдастығының президенті Уильям Кортнидің кездесуі өтті, деп хабарлайды Silteme.kz. 

Ахметжан Есімов Көрмені дайындау барысында атқарылған жұмыстар бағытын таныстырды. Сондай-ақ, алдағы аптадан бастап халықаралық қатысушыларға павильондарды өткізу, әрі делегация мүшелеріне арналған апартаменттерді табыстау басталатындығын хабарлады. Одан әрі қарай павильондарды толтыру бойынша контенттік жұмыстар басталады.

«Сәуір айында Елбасы делегациясының құрамында Вашингтонда болдым, онда АҚШ бизнес қоғамдастығымен кездесу болды, олар біздің Көрмеге қатысуға қызығушылық танытты. ЭКСПО-2017 әріптестері мен демеушілері арасында «Cisco», «General Electrics», «Chevron» сияқты ірі компаниялар болды. Сонымен қатар, Америкалық-қазақстандық бизнес қауымдастықты да ЭКПО-2017 көрмесіне қатысуға шақырамын», - деп атап өтті Ахметжан Есімов.

«Біз өздеріңізбен ынтымақтастық орнатқандығымызға дән ризамыз. АҚШ павильоны толығымен қауымдастық мүшелері болып табылатын жеке компаниялардан тұратын болады. Бұл АҚШ бизнесмендері үшін өте қызықты әрі бірегей мүмкіндік болады деп есептейміз. «Болашақ энергиясы» Көрмесін асығыспен күтеміз», - деп мәлімдеді Уильям Кортни.

Кездесуде ЭКСПО-2017 көрмесінің дамуына өз үлесін қосуға ниетті америкалық ірі энергетикалық корпорация АES (American clean power company) таныстырылды.

Айта кету керек, халықаралық мамандандырылған көрме Астана қаласында 2017 жылғы 10 маусым – 10 қыркүйек аралығында өтеді, көрме барысында 5 миллион келуші болады деп күтілуде.