Ислам Каримов Самарқандтағы Шахи-Зинда зиратында жерленді
03.09.2016, 14:08

Ислам Каримов Самарқандтағы Шахи-Зинда зиратында жерленді

Өзбекстан Президенті Ислам Каримов Самарқандтағы Шахи-Зинда зиратында жерленді, деп хабарлайды "Хабар" агенттігі.

Жерлеу рәсімі Регистан алаңында өтті. Мүфти Усманхон Алимов жаназа намазын оқып, мыңдаған ер адамдар жерлеу рәсіміне қатысты.

Артынша Президенттің оралған денесін 2 км қашықтықта орналасқан Шахи-Зинда зиратына адамдар қолдарымен көтеріп апарып, жер қойнауына тапсырды.

Осы зиратта Ислам Каримовтың ата-анасы жерленген.

Естеріңізге сала кетейік, жұма күні кешке Өзбекстан билігі Ислам Каримовтің қайтыс болғаны туралы хабарлады. Хабар барлық телеарналардың эфирінде айтылды. 

Сондай-ақ ресми хабарламада медициналық комиссия биологиялық өлім уақытын 2 қыркүйек күні сағат 20:55-те тіркегені айтылған. 

Өзбекстанда үш күндік аза тұту жарияланды.

ҚР Президенті Өзбекстан басшысы Ислам Каримовтің қайтыс болуына байланысты көңіл айту жеделхатын жолдап, бауырлас Өзбекстан халқына қатты қайғырып көңіл айтты. 

Ал Премьер-министр Кәрім Мәсімов бастаған делегация Елбасының тапсырмасы бойынша Самарқандтағы жерлеу рәсіміне қатысты. 

Silteme.kz ақпараттық-сараптамалық порталы қазақ тілінде жаңалықтар тарататын және талдамалық материалдар жариялайтын ақпараттық ресурс.

Материалдар мен ақпараттарды портал брендін көрсетіп, гиперсілтеме жасаған жағдайда ғана қолдануға рұқсат етіледі. Ақпараттан мәтін,  мәтін бөлігі немесе дәйексөз алынғанда міндетті түрде тиісті сілтеме көрсетілуі керек. Жазбаша түрде рұқсат берілмеген жағдайда ресурс өнімдерін коммерциялық мақсаттарға пайдалануға жол берілмейді. Авторлар пікірі мен редакция көзқарасының сәйкес келе бермеуі мүмкін. Жарнама мен хабарландырулардың мазмұнына жарнама беруші жауапты.

E-mail: info@silteme.kz
Тел.: +7 778 442 84 13

Әлеуметтік желілер