Хабарламада жаңа бағдарлама тұжырымдамасына сай, берілген тақырыпты талқылауға төрт спикер қатысатыны айтылған. Яғни, хабар барысында студия қонақтарының арасынан мәселеге қатысты ой білдірем деушілерге де сөз берілетін болады. Ал, телекөрермендер эфирдегі тақырып бойынша дауыс беруге қатыса алады.

Жоба үш бөлімнен тұрады:

1-бөлім «Дат». Тараптар тақырып бойынша өздерінің датын айтады. Арнайы ведомство тарапынан келген мамандар уәжін айтады. Бұл бөлімде сөз жарысқа немесе сұрақ-жауапқа жол берілмейді.

2-бөлім «Айғақ немесе дәлел». Тараптар өздерінің ұстанымдарына қатысты, яғни, датқа немесе уәжге дәлел келтіреді.

3-бөлім «Түйін». Жүргізуші айтылған ой-пікірлерді ескере отырып қорытынды жасайды.

"Әр жексенбі сайын, 20:00-де «Қазақстан» Ұлттық телеарнасынан «1 студия» ток-шоуын жіберіп алмаңыздар!" делінген хабарламада.