Рұқсат қағаздары шетелдік тасымалдаушыларға Халықаралық келісімдерге сәйкес беріледі. Әр ел серіктес мемлекетке өз территориясында жүк тасымалдауға белгіленген мөлшерде квота береді. Осыған орай, жүк тасымалдайтын компаниялардың квотасы болмаса немесе уақыты біткен жағдайда шет мемлекеттің территориясында жүк тасымалдай алмайды.

Сонымен, акция шеңберінде көліктік бақылау органдарымен  19096 шетелдік автокөлік тексеріліп, 1041 тасымалдаушы Қазақстан Республикасының көлік заңнамасы мен халықаралық келісім нормаларын бұзғандары үшін әкімшілік жауапкершілікке тартылды, оның ішінде 484 рұқсат жүйесі бойынша. Ресейлік 213, украиндық 33, түріктің 26, беларустың 25, литвалық 22, латвиялық 9 және басқа 156 тасымалдаушы тиісті құжатсыз Қазақстан аумағында жүк тасымалдаумен айналысқан.  

Жалпы 2016 жылдың 12 айында халықаралық келісім нормаларын және Қазақстан Республикасының көлік заңнамасы бұзған үшін 4520 шетелдік тасымалдаушы әкімшілік жауапкершілікке тартылған. Оның ішінде 2047 тасымалдаушы Халықаралық келісім нормаларын бұзғандары үшін жауапқа тартылған. Сонымен қатар, Қазақстан Республикасы территориясында каботажды тасымалдауды жүзеге асырған 913 құқық бұзушылық анықталған.

Бұл акция жыл сайын өткізіледі.