14-15 тамызда Дубай қаласында Қазақстан мен БАЭ-ның сауда-экономикалық қатынастарына арналған жиын өтеді
30.07.2018ж.

14-15 тамызда Дубай қаласында Қазақстан мен БАЭ-ның сауда-экономикалық қатынастарына арналған жиын өтеді

Қазақстан мен Біріккен Араб Әмірліктері (БАӘ) арасындағы сауда-экономикалық ынтымақтастық жыл сайын дамып келеді. Осыған дейінгі жасалған жұмыстар мен  іскерлік қатынас күн санап нығаюда.  Сондай-ақ, екі ел жаңа салалар бойынша байланыстар орнатуда, деп хабарлайды silteme.kz.

Экономикасы тұрақты ел ретінде БАӘ-мен инфрақұрылым, ауыл шаруашылығы, энергетика, білім беру және мәдениет саласында екіжақты ынтымақтастықты дамытудың үлкен перспективалары бар.

Ресми мәліметтерге сәйкес, 2017 жылы Қазақстан мен БАӘ арасында тауар айналымы 643,06 млн. долларды құрады (экспорт - 558,7 млн., импорт - 84,3 млн.). Өткен жылмен салыстырғанда тауар айналым шамамен 2 есеге өскен. Қазақстан БАӘ-не экологиялық таза ауыл шаруашылық өнімдерін экспорттауда үлкен маңызға ие. Ең алдымен бұл ет өнімдері, бұршақ (жасымық, ноқат, тәтті бұршақ, бұршақ), бидай, ұн, өсімдік майы және бал. Осыған орай, 2018 жылдың 14-15 тамызында  Дубай қаласында екіжақты ресми сауда-экономикалық жиын өтетінін хабарлаймыз.

Шараны Қазақстан Республикасының Сыртқы сауда палатасы,  «Атамекен» Ұлттық кәсіпкерлер палатасы, ҚР Инвестициялар және даму министрлігі, БАӘ-дегі Қазақстан Республикасының Елшілігі және Дубай, БАӘ Сауда-Өнеркәсіп палатасы  ұйымдастыруда.

Шараның мақсаты Қазақстан мен Эмират кәсіпкерлері арасындағы сауда қатынастарын дамыту, сондай-ақ елдер арасындағы іскерлік байланыстарды нығайту болып табылады.

Қазақстан тарапынан  ірі тауар өндірушілері барады деп жоспарлануда. Бұл БАӘ кәсіпкерлері үшін де, қазақстандық кәсіпкерлер үшін де өз өнімдерін ұсынуға тамаша мүмкіндік.

Silteme.kz ақпараттық-сараптамалық порталы қазақ тілінде жаңалықтар тарататын және талдамалық материалдар жариялайтын ақпараттық ресурс.

Материалдар мен ақпараттарды портал брендін көрсетіп, гиперсілтеме жасаған жағдайда ғана қолдануға рұқсат етіледі. Ақпараттан мәтін,  мәтін бөлігі немесе дәйексөз алынғанда міндетті түрде тиісті сілтеме көрсетілуі керек. Жазбаша түрде рұқсат берілмеген жағдайда ресурс өнімдерін коммерциялық мақсаттарға пайдалануға жол берілмейді. Авторлар пікірі мен редакция көзқарасының сәйкес келе бермеуі мүмкін. Жарнама мен хабарландырулардың мазмұнына жарнама беруші жауапты.

E-mail: info@silteme.kz
Тел.: +7 778 442 84 13

Әлеуметтік желілер