ВИДЕО: Депутат мектеп оқушысын шапалақпен бір тартты
21.05.2018ж.

ВИДЕО: Депутат мектеп оқушысын шапалақпен бір тартты

Ресейдің «Единая Россия» партиясының мүшесі, каратэден қара белдік иегері жасөспірімді тәрбиелеудің "ерекше" жолын көрсетті.

Мәскеу облысы, Пушкин ауданы, Лесной елді-мекеніндегі мектеп стадионына келген депутат маңызды мәселелерді шешпек болыпты. Бірақ оның дегбірін бір топ жасөспірім қашырып жіберді. Кең орындыққа жайқасқан оқушылар қатты даурығып сөйлеп, депутаттың сөзіне кедергі келтірген.  Депутат олардан шуламауын өтінді. Сол кезде оқушылар оның ойнауға кедергі келтіретінін айтты. Содан кейін оның қасында отырған бір бала былай деді: «Немене, мені ұрасыз ба? Ол үшін қылмыстық бап бар». Тап сол кезде Одинцов мырзаның шыдамы таусылып, заңды жақсы білетін 8-сынып оқушысын шапалақпен тартып жіберді.  Жасөспірім мұғаліміне шағымданып, ал мұғалима депутаттан түсініктеме талап етті. Депутаттық мандатын көрсеткен Одинцов оған ештеме болмайтынын және ешкім ештеңке дәлелдей алмайтынын айтты.  Оның айтуынша, ызбарлы 90-шы жылдарда есейген ол жастармен қалай сөйлесу керектігін жақсы біледі.  Халық қалаулысының әрекетіне шамданған оқушының ата-анасы депутатты сотқа бермекші. Бір қызығы, Андрей Одинцовтың үш жоғары білімі бар, оның біреуі - педагогикалық. 

Дереккөз: ktk.kz 

Silteme.kz ақпараттық-сараптамалық порталы қазақ тілінде жаңалықтар тарататын және талдамалық материалдар жариялайтын ақпараттық ресурс.

Материалдар мен ақпараттарды портал брендін көрсетіп, гиперсілтеме жасаған жағдайда ғана қолдануға рұқсат етіледі. Ақпараттан мәтін,  мәтін бөлігі немесе дәйексөз алынғанда міндетті түрде тиісті сілтеме көрсетілуі керек. Жазбаша түрде рұқсат берілмеген жағдайда ресурс өнімдерін коммерциялық мақсаттарға пайдалануға жол берілмейді. Авторлар пікірі мен редакция көзқарасының сәйкес келе бермеуі мүмкін. Жарнама мен хабарландырулардың мазмұнына жарнама беруші жауапты.

E-mail: info@silteme.kz
Тел.: +7 778 442 84 13

Әлеуметтік желілер