Показать содержимое по тегу: даналық

Ақиқат – адам санасында тура жолды бейнелейтін таным. Адам баласы табиғи болмысында ақиқатты аңсайды, армандайды, шындықтың шыңы деп іздейді, бірақ оны таба алмайды. Өйткені, ол өмірде біреу ғана, ол да болса тұңғиық тереңде жатады. «Ақиқаттың бөлінбейтіні сияқты, бір түптен шыққан гүл де екі түрлі болмайды» (Бедил). Дүниеде екі ақиқат жоқ, адам баласынының ақиқатқа жету жолында көп қателікке баруы да содан. Мұндай жағдайда өзара іштей де, сырттай да қақтығыстар болуы табиғи құбылыс. Ол жолда елім деп еңіреген талай қайраткер мұрттай ұшты.

Қазақтың "бағы тайды"," бағын бағаламады", "бағын көтере алмады", "бақ қонды", "бақ қарасын" секілді "бақ" сөзімен байланысты тіркестері өте көп. Басына бақ қонған адамның алды-арты тең, көңілі жай болады. Алайда, бақ құсы басыңа орнау үшін, талай сынақтан сүрінбей, жету керек екен.