Показать содержимое по тегу: Нұртөре Жүсіп

Ән одағын құрса қайтеді?

Түркі баласының ішкі және сыртқы бірлігі туралы жиі сөз болады. Мәдени тұрғыда талай қарым-қатынас жасалып жатыр. Ой – ортақ, іс – ортақ, қимыл – ортақ деген қағидатты түрік дүниесінің кез келген өкілі құптайды, қуаттайды. Бірақ көп нәрсе сөз жүзінде қалып, небір жақсы бастама, оң ниет нақты іспен беки бермейтінін көріп те жүрміз. Жаһандық жаңғыру үрдісі аясында ұлттық құндылықтарымызды сақтап қалу – үлкен мәселе.

Абайды қайта-қайта оқып тұру керек. Оқыған сайын жаңадан бірдеңе табасыз. Ойыңызға ой қосылады. Бұрын қанша оқып кетсек те, онша мән бермеген, кей тұста мүлдем көңіл аудармаған жайттарға кез боласыз. Мәселен, Қырық екінші қарасөзін қарап отырып, «кезегендік» деген ұғымды ұшыраттым. Сөздің сипатына қарағанда, бұл қазіргі «бездельники» дегенге балама болатын сияқты.

Қазақтың киіз үйі, қара домбырасы және айтыс өнері бүкіл әлем елдерінің ең ежелгі мұралары ретінде «ЮНЕСКО» тізіміне енгені белгілі. Биыл Оралда күй атасы Құрманғазының 200 жылдығына орай «Домбыра күнін» өткізу жоспарланып отыр. Қарағандыдағы Назарбаев зияткерлік мектебінің оқушылары өзі ойнайтын электронды домбыраны ойлап тапты. Жасанды домбыра қазақтың «Еркемай» күйін орындайды. Тағы не бар өзі? Біз өзіміздің баға жетпес мұрамызды қалай қадірлеп жүрміз?

«Күллі жер жүзі біздің көз алдымызда өзгеруде. Әлемде бағыты әлі бұлыңғыр, жаңа тарихи кезең басталды. Күн санап өзгеріп жатқан дүбірлі дүниеде сана-сезіміміз бен дүниетанымымызға әбден сіңіп қалған таптаурын қағидалардан арылмасақ, көш басындағы елдермен тереземізді теңеп, иық түйістіру мүмкін емес. Өзгеру үшін өзімізді мықтап қолға алып, заман ағымына икемделу арқылы жаңа дәуірдің жағымды жақтарын бойға сіңіруіміз керек» деген болатын Президент Н.Назарбаев «Болашаққа бағдар: рухани жаңғыру» бағдарламалық мақаласының кіріспе бөлігінде.

Жақында әлеуметтік желіде бір замандасымыз шырылдады да қалды. Сөйтсек, оның баспанаға қатысты барлық құжатын белгісіз біреу жасырын пайдаланған көрінеді. Анау байғұс шыр-пыры шығып ХҚКО-ға барады, олар анда сілтейді, мында сілтейді. Өзіне тиесілі ақпараттың қалай «қолды болғанын» біле алмай, шарасыз күй кешкен жанның жағдайын көргеннен кейін киберқауіпсіздік дейтін мәселені күн тәртібіне шығаруға тура келеді.