Головкин 5 мамырда америкалық Ванес Мартиросянмен жұдырықтасады
19.04.2018, 12:51

Головкин 5 мамырда америкалық Ванес Мартиросянмен жұдырықтасады

Кәсіпқой бокстан орта салмақтағы әлем чемпионы қазақстандық Геннадий Головкин 5 мамыр күні Лос-Анджелестің іргесіндегі StubHub Center аренасында кезекті жекпе-жегін өткізетін болды. Бұл туралы ол өзінің Twitter-парақшасында жазды.

Жерлесіміз бұл жолы ұлты армян америкалық боксшы Ванес Мартиросянмен жұдырықтасады. Головкиннің өзі бұл жекпе-жектің маңызды екенін атап өтті.

"Ванес Мартиросянмен болатын кездесу мен үшін қазір өте маңызды. Мен оны сыйлаймын және өз белбеулерімді қорғау үшін жақсылап дайындалдым", - деп мәлімдеді Головкин Los Angeles Times тілшісіне берген сұхбатында.

Айта кетейік, 31 жастағы Мартиросян Арменияда туылып, 7 жасында ата-анасымен бірге АҚШ-қа көшіп кеткен. 2004 жылы ол Афины олимпиадасында АҚШ-тың атынан шығып, екінші айналымда жеңіліп қалды. Мұнан кейін ол кәсіпқой боксқа ауысып кетті.

Кәсіпқой рингте армян боксшы 40 жекпе-жек өткізіп, оның 36-да жеңіске жеткен, үш кездесуде жеңіліп, бірінде тең түсті. Соңғы жекпе-жегін Мартиросян 2016 жылдың 21 мамырында кубалық Эрисланди Лараға қарсы өткізіп, жеңіліс тапты.

Silteme.kz ақпараттық-сараптамалық порталы қазақ тілінде жаңалықтар тарататын және талдамалық материалдар жариялайтын ақпараттық ресурс.

Материалдар мен ақпараттарды портал брендін көрсетіп, гиперсілтеме жасаған жағдайда ғана қолдануға рұқсат етіледі. Ақпараттан мәтін,  мәтін бөлігі немесе дәйексөз алынғанда міндетті түрде тиісті сілтеме көрсетілуі керек. Жазбаша түрде рұқсат берілмеген жағдайда ресурс өнімдерін коммерциялық мақсаттарға пайдалануға жол берілмейді. Авторлар пікірі мен редакция көзқарасының сәйкес келе бермеуі мүмкін. Жарнама мен хабарландырулардың мазмұнына жарнама беруші жауапты.

E-mail: info@silteme.kz
Тел.: +7 778 442 84 13

Әлеуметтік желілер