FutsalWorldRanking.be порталы бүгін жаңарған рейтингті жариялады. 1488 ұпай жинаған Қазақстан құрамасы 9-орынға орналасқан.

2017 жылы қазақстандық футзалшылар 2018 жылғы Еуропа чемпионатына іріктеуде топтан бірінші орынмен шықты. Сондай-ақ Тайланд пен Ирандағы халықаралық турнирлерге қатысты. 11 ойын өткізіп, 6 рет жеңіске жетті. 3 ойында тең ойнап, 2 кездесуде қарсыластарына есе жіберді.

Әлемдік рейтингтің алғашқы ондығында көп өзгерістер орын алмаған. Тек Иран мен Италия құрамалары орын алмасқан.

Алғашқы ондық:

1. Бразилия - 1 931 ұпай;
2. Испания - 1 878 ұпай;
3. Ресей - 1 740 ұпай;
4. Аргентина - 1 683 ұпай;
5. Иран - 1 625 ұпай;
6. Италия - 1 607 ұпай;
7. Португалия - 1 600 ұпай;
8. Украина - 1 500 ұпай;
9. Қазақстан - 1 488 ұпай;
10. Әзірбайжан - 1 452 ұпай.

Футзалдан Қазақстан ұлттық құрамасы 2018 жылы Еуропа чемпионатының финалдық кезеңіне қатысады. Какау жаттықтыратын қазақстандық футзалшылар топта Ресей және Польша құрамаларымен ойнайды. Топтан екі команда шығады.

Айта кетейік, футзалдан ФИФА-ның ресми рейтингі жоқ. Негізгі рейтинг ретінде FutsalWorldRanking.be нәтижесі басты назарға алынады.

Дереккөз: vesti.kz