Си Цзиньпин Қытай президенті болып қайта сайланды
18.03.2018ж. 16:18

Си Цзиньпин Қытай президенті болып қайта сайланды

Си Цзиньпин Қытай президенті болып қайта сайланды sn.kz

Қытай парламенті – Бүкілқытайлық халық өкілдері жиналысы Си Цзиньпинді екінші бес жылдық мерзімге ел президенті етіп сайлады. Қытай коммунистік партиясы ұсынған оның кандидатурасын жасырын жолмен дауыс беруге қатысқан 2970 делегаттың бәрі қолдаған. Сонымен бірге Си Цзиньпинді Қытай орталық әскери кеңесінің төрағасы қызметіне де қайта сайлаған.

Қытай басшысының орынбасарлығына бұған дейін Қытай компартиясында жемқорлыққа қарсы органды басқарған Ван Цишань сайланған.

Наурыздың 18-і күні Қытай үкіметінің жетекшісі, Жоғарғы сот пен прокуратура басшылары сайланбақ.

64 жастағы Си Цзиньпин Қытайды 2013 жылдан бері басқарып отыр. Жақында ел парламенті Қытай коммунистік партиясы орталық комитетінің Қытай конституциясына президент пен оның орынбасары қызметіне екі мерзімнен артқы сайлануға болмайтыны туралы шектеуді алып тастау туралы ұсынысын қолдап, заңға түзету енгізді. Бұл түзету Си Цзиньпинге Қытай басшылығына шексіз мерзімге сайлануына жол ашты.

Дереккөз: Азаттық

Silteme.kz ақпараттық-сараптамалық порталы қазақ тілінде жаңалықтар тарататын және талдамалық материалдар жариялайтын ақпараттық ресурс.

Материалдар мен ақпараттарды портал брендін көрсетіп, гиперсілтеме жасаған жағдайда ғана қолдануға рұқсат етіледі. Ақпараттан мәтін,  мәтін бөлігі немесе дәйексөз алынғанда міндетті түрде тиісті сілтеме көрсетілуі керек. Жазбаша түрде рұқсат берілмеген жағдайда ресурс өнімдерін коммерциялық мақсаттарға пайдалануға жол берілмейді. Авторлар пікірі мен редакция көзқарасының сәйкес келе бермеуі мүмкін. Жарнама мен хабарландырулардың мазмұнына жарнама беруші жауапты.

E-mail: info@silteme.kz
Тел.: +7 778 442 84 13

Әлеуметтік желілер