Бүгін ҚР Парламенті Мәжілісінің аграрлық мәселелер бойынша комитетінде "ҚР кейбір заңнамалық актілеріне жер қатынастарын реттеу мәселелері бойынша өзгерістер мен толықтырулар енгізу туралы" заң жобасы ұсынылды, деп хабарлайды Baq.kz.
Депутаттар алдында баяндама жасаған ҚР Ауыл шаруашылығы вице-министрі Ерлан Нысанбаев жер кодексіне енгізілетін жер заңнамасын жетілдіру жөніндегі жер реформасы бойынша комиссия мүшелерінің ұсыныстарын ескергенін айтты.
"Қазақстан азаматтарына ауыл шаруашылығы жерлерін жалға беру сақталады. Жер кодексіндегі тәртіпке сәйкес ауыл шаруашылығындағы жерлерді жалға беру конкурстық негізде жүзеге асырылады. Конкурсты өткізу үшін xабарламаны БАҚ-та, әкімдіктердің және ауыл шаруашылығы министрлігінің ресми интернет-ресурстарында және ақпараттық стенділерде жариялау қарастырылады. Бұл конкурсқа қатысушыларға тең мүмкіндік береді. Конкурстың комиссия құрамына жалпы санының 50 % құрайтын қоғамдық кеңестер және Атамекен" кәсіпкерлер палатасының өкілдері қатысады", - дейді Ерлан Нысанбаев.
Оның айтуынша,конкурсқа қатысушылар үшін ауыл шарауашылығы өндірісін жүргіуздің бизнес-жоспары және бірнеше міндеттемелері болуы тиіс.
"Берілетін жерлердің ұтымды пайдаланылуын тексеру мақсатында, заң жобасымен тұрақты мониторинг жүргізіледі. Ауыл шаруашылығы жерлерінің үлкен мөлшерін "бір қолға" беруге жол бермеу мақсатында алқаптар бойынша республика, облыс және әкімшілік аудандар шегінде белгілеу қарастырылады. Заң жобасымен мемлекеттік шекараның белдеуінде және аймағында ауыл шаруашылығы жерлерін беру талаптарын күшейту қарастырылған. Онда шетелдіктерге, азаматтығы жоқ адамдарға, шетелдік заңды тұлғаларға және шетелдіктердің қатысуы бар заңды тұлғаларға жерді иеленуге шектеу қойылады", - дейді вице-министр.
Бек ТӨЛЕУОВ
Silteme.kz ақпараттық-сараптамалық порталы қазақ тілінде жаңалықтар тарататын және талдамалық материалдар жариялайтын ақпараттық ресурс.