Әр ата-ананың ұрпақ алдындағы мін­деті – жақсы тәрбие мен білім беру. Тәрбиені әркім өз ақыл-санасына, парасат-пайымына, тұрмыс-тіршілігіне қарай беретіні анық. Бала ұяда не көрсе, ұшқанда соны іледі. Білімге келсек, баласы «жерде қалмас үшін», жоғары білімді болғанын қалайды. ҰБТ-дан сүрінбей өтіп, бағы мен бабы қатар шапқан талапкер мемлекеттік грант иегері атанатыны анық. Биылғы талапкерлердің бағына орай, Елба­сының тапсырмасымен, мемлекеттік грант­тардың саны тағы да 20 мыңға артып отыр. Ал грантқа ілікпей қалған ұл-қызды әке-ше­шесі ақылы оқытамын деп, қалтасы көтер­месе де, қарызға батып, несие алып жанта­ла­сып жатады. Барлығымыз баламыз­дың жо­ғары білімді болғанын қалағанымызбен, оның болашағын бүгіннен ойлап, оқуға деп қаржы жинақтауға мән бермейміз. 5-6 жыл бұрын қамдансақ, ең құрығанда бір жылдық оқу ақы­сына жететін қаражат жинақтауға болады.