«660 лауазымды тұлға еселік айыппұлдарға тартылды. Тек екі жылда осындай айыппұлдарда еселеп төлетуден бюджетке 6 млрд. теңге түсті. Сыбайлас жемқорлыққа жол бергені үшін 924 адамға қатысты мүліктік тәркілеу жазасы қолданылды және 1200-і мемлекеттік қызметте жұмыс істеуден өмір бойына шеттетілді»,-деді Шпекбаев.

Сонымен қатар заңнаманы ізгілендіру нәтижесінде Қазақстан дүниежүзілік түрме рейтингінде оңтайлы көрсеткіштерге қол жеткізді.

«1996 жылы Қазақстан түрмеде отырғандардың саны бойынша АҚШ пен Ресейден кейін үшінші орында болды. 20 жылдан астам уақыт өтіп, осы ретте құқықтық жүйеге енгізілген өзгерістерге байланысты Қазақстан 3-тен 62-ші орынға орналасты»,-деді агенттік басшысының орынбасары.

Оның сөзіне қарағанда, осы жылдары АҚШ екінші орынға жылжыса, РФ тек оныншы орынға жоғарылады. Бұл өз кезегінде Қазақстанда маңызды құқықтық реформалар жүргендігін байқатады. Айта кетейік, бүгінгі отырысқа әлемнің 24 елінен 50-ден астам шетелдік делегациялардың өкілдері қатысуда.