Астанадағы қауіпті лифттер үшін ПИК басшылары қылмыстық жауапкершілікке тартылуы мүмкін
10.04.2018, 12:03

Астанадағы қауіпті лифттер үшін ПИК басшылары қылмыстық жауапкершілікке тартылуы мүмкін

Астана қаласының әкімі Әсет Исекешевтің төрағалығымен өткен аппараттық кеңесте елордадағы лифт шарушылығы жағдайы талқыланып, мәселеге қатысты қалалық орта сапасы және бақылау басқармасының басшысы Төлеген Құлышев баяндама жасады.

Бүгінгі таңда елордада 69 арнайы ұйым қызмет көрсететін 6 653 лифт тіркелген. Олардың ішінде: тұрғын үйлерде - 4 910 лифт, әкімшілік ғимараттарда - 1 743.

Лифтте жүрудің орташа бағасы: карточкалық жүйеде бір жолғыға 9 теңге, ал БТЖ арқылы - айына 1 200 теңге.

2017 жылы қалаәкімінің тапсырмасына сәйкес 96 лифт, соның ішінде қызмет мерзімі біткен (25 жылдан астам) 63, апаттық 23 және «Өркен Қала» ЖШС қайтарымды қаражаты есебінен 10 лифт алмастырылды.

Құлышевтың айтуынша, бүгінгі таңда аталған салада тәртіп орнату мен қатар «Атамекен» ҰКП-мен бірлесе отырып лифт шаруашылығын пайдалану саласында, соның ішінде лифт компаниялары мен ПИК-тердің жауапкершілігін арттыруға қатысты нормативтік ережелерді реттеу қажет.

«ПИК тарапынан бақылаудың жоқтығы мен лифт компанияларының тиісті жұмыстарды атқармауы салдарынан лифтілердің апаттық тоқтау оқиғалары жиілеп кетті», - деді ол.

Оның келтірген мәліметтеріне сәйкес, 2017-2018 жылдары жұмыс істемейтін лифттер бойынша 547 өтінім келіп түскен. Қазіргі уақытта 9 үйде жұмыс істемейтін 12 лифт бар. Сондай-ақ, осы кезеңде, «Эдем Палас 1, 2», «Айя», «Успех» тұрғын үй кешендерінде лифттердің апатты тоқтауы, көтеру құрылғысының үзілуі салдарынан соңғы факт Тәуелсіздік даңғылы, 38/2 мекен-жайы бойынша тіркелген.

Астана қаласы әкімінің тапсырмасына сәйкес Тұрғын үй инспекциясы Қазақстан Республикасы Инвестициялар және даму министрлігінің Индустриялық даму және өнеркәсіптік қауіпсіздік комитетінің Астана қаласы бойынша департаментімен бірлесе отырып қаладағы 117 нысанда 727 лифт қондырғыларын пайдаланып отырған 64 ПИК қызметі тексерілді. Мониторинг нәтижесінде 239 көтеру механизмінде кемшіліктер анықталып, 30 басқару органдарының басшыларына ұйғарым тапсырылды.

«Қызмет көрсетуші ұйымдар мен иелері тарапынан өнеркәсіптік қауіпсіздік заңнамасы саласындағы талаптар толық орындалып отырған жоқ. Әкімшілік шаралар тиісті нәтиже бермеуде. Сондықтан олардың жауапкершілігін қылмыстық деңгейге дейін қатаңдатуды ұсыну қажет», - деп атап өтті әкім.

Өз кезегінде, қала әкімі қалалық орта сапасы және бақылау басқармасына Қазақстан Республикасы Инвестициялар және даму министрлігінің Индустриялық даму және өнеркәсіптік қауіпсіздік комитетінің Астана қаласы бойынша департаментімен бірлесе отырып ПИК және лифт шаруашылығы компанияларын тексеру жұмыстарын жалғастыруды тапсырды.

Silteme.kz ақпараттық-сараптамалық порталы қазақ тілінде жаңалықтар тарататын және талдамалық материалдар жариялайтын ақпараттық ресурс.

Материалдар мен ақпараттарды портал брендін көрсетіп, гиперсілтеме жасаған жағдайда ғана қолдануға рұқсат етіледі. Ақпараттан мәтін,  мәтін бөлігі немесе дәйексөз алынғанда міндетті түрде тиісті сілтеме көрсетілуі керек. Жазбаша түрде рұқсат берілмеген жағдайда ресурс өнімдерін коммерциялық мақсаттарға пайдалануға жол берілмейді. Авторлар пікірі мен редакция көзқарасының сәйкес келе бермеуі мүмкін. Жарнама мен хабарландырулардың мазмұнына жарнама беруші жауапты.

E-mail: info@silteme.kz
Тел.: +7 778 442 84 13

Әлеуметтік желілер