Показать содержимое по тегу: Аманжол Бейсенов

Аманжол… Қазақ ұрпағына берген есімге барлық арманын сыйғыза білетін халық. Ел басына күн туған соғыс кезінде туғандардың арасында Аманкелді деген есім жиі кездессе, ел қорғауға кеткен боздақтардың туған топыраққа аман келуіне ырымдап қойылған есім бұл. Аманжол дегенде де дүние есігін енді ашқан сәбиінің амандығымен бірге өмір жолындағы ұлы сапарда аман жүрсін, ұлықты болсын деген ниет басым. Соғыстан кейінгі ел енді-енді есін жиып, бес жылға жуық зобалаңда тұралап қалған шаруашылықтарды қайта көтеру жолында жанталасқан жылдардың бірі – 1949 жылы өмірге келген ұлының атын Аманжол деп атаған Мұсайын атамыздың да жүрек түкпірінде осындай ақ ниет тұнып тұрғаны мәлім еді. «Жақсы ниет – жарым ырыс» деген жақсы сөзбен сусындап өскен Мұсайын ақсақалдың тұңғышына берген есімін Алла ескерген сынды.