Мерекелік бағдарлама аясында Аяз ата, ақшақар және аниматорлар балаларды құттықтап, тәтті тарататын болады. Одан бөлек, барлық мұз айдындарында Қазақстан кондитерлік ассоциациясының логотипі орналасқан және «Тақпақ айтып, бір дорба кәмпит ұтып ал» деген ұран жазылған баннерлар тұрады.

Шара Қазақстанның Тұңғыш Президенті саябағының алдында сағат 11:00-де басталады.

Ұйымдастырушы – Алматы қаласы Дене шынықтыру және спорт басқармасы. Шара мақсаты – балаларды келе жатқан Жаңа жылымен құттықтап, спортқа деген қызығушылықты арттыру. Артынша Қазақстан кондитерлік ассоциациясы сыйлықтарды, кондитерлік тауарларды қаладағы балалар үйлеріне таратып береді.

Естеріңізге сала кетсек, желтоқсанның бірінен бастап осындай 8 тегін мұз айдындары Жібек жолы – Абылай хан көшесінде, Қазақстанның Тұңғыш Президенті саябағының алдында, “Март” сауда орталығы маныңда, Спартак стадионында, Дубок ықшам ауданында, VILLA Boutiques & Restaurants алдында, Алатау және Наурызбай аудандарында ашылған болатын.

Дереккөз: baribar.kz