Алексей Ковальковтің айтуынша, баланың ағзасы сағатына ең көбі 10 грамм қантты ешқандай зиянсыз қорыта алады. Бұл ретте, сарапшы атап өткендей, бір шоколодты кәмпиттің құрамында шамамен 8 грамм қант бар. Сонымен бірге, кондитерлік өнімдер мен шоколадтың құрамында өндіріс деңгейіне қарай маргарин және басқа да майлар, дәмді химиялық күшейткіштер, бояғыштар секілді қажетсіз және зиянды қоспалар болуы мүмкін екенін ескерген жөн.
 
«Баланың ұйқы безі қанттың шамадан тыс мол шөлшерін бір рет қорытуы мүмкін. Алайда, бала мектептен берілген сыйлықтың ішіндегі кәмпитті тауысқанша тоқтамайды, оған үйдегі кәмпиттерді қосыңыз. Осылайша, баланың бойында реактивті панкреатиттің дамуы мүмкін», — деп мәлімдеді диетолог Алексей Ковальков.
 
Сондықтан, баланың денсаулығына қауіп төндірмес үшін Жаңа жылда тәттілерді көп жеуіне шектеу қажет. Оның орнына құрғатылған жемістерді және қантсыз табиғи тәттілерді (зефир, сапалы пастила, мармелад, жаңғақтар) ұсынған жөн.
 
Тәттілерді сатып алу кезінде өнімнің этикеткасында көрсетілген құрамы мен сақтау мерзіміне назар аудару аса маңызды. Сапалы өнімдер қылқылды емес, табиғи түсте болады, ингредиенттер құрамы қысқа әрі түсінікті және сақтау мерзімі аз болады. Ал, жемістерге келетін болсақ, балаларға күніне бір-екі мандарин ғана жеуге болады, деп ескертті дәрігер.