Показать содержимое по тегу: әлеумет

Бүгін Оңтүстік Қазақстан облысының әкімі Ж.Түймебаев қыз-келіншектер мен аяулы аналарды «8 наурыз – Халықаралық әйелдер күні» мерекесімен құттықтады. Мейрам қарсаңында нәзік жандыларға арнайы ақ дастархан жайылып, бұрымдылардың құрметіне «Әйел – ана – өмірдің өзегі» атты концерттік бағдарлама ұйымдастырылды, деп хабарлайды silteme.kz АА.

2018 жылдың 1 қаңтарындағы жағдай бойынша еліміздегі халық саны 18 157,1 мың адамға жетті. Соның ішінде қалалықтар — 10 426,5 мың адам (57,4 пайыз), ауылдықтар — 7 730,6 мың адам (42,6 пайыз). Бұл туралы Qamshy.kz ақпарат агенттігі ҚР Ұлттық экономика министрлігінің баспасөз қызметіне сілтеме жасап хабарлайды.

Қазақстанда биыл 200 мыңдай мұғалімнің айлығына биыл 30 пайыздық үстемақы қосылады. Бұл туралы Үкімет отырысында ҚР Білім және ғылым министрі Ерлан Сағадиев айтты, деп хабарлайды silteme.kz АА «ҚазАқпарат» ХАА тілшісіне сілтеме жасап.

Биылғы жылы Оңтүстік Қазақстан облысы Кентау қаласының тұрғындары  толықтай табиғи газбен қамтылатын болады. Осы мақсатқа жалпы құны 3 млрд 842 млн теңге бағытталып, газ таратушы құбырларының құрылысы 2017 жылдың желтоқсан айында аяқталған.  Онда  нөмері 14-ші  АГТС-тың  құрылыс монтаж жұмыстары жүргізіліп, электр жүйелері тартылыпты. Сондай-ақ, 1 трансформатор, 5 жайтартқыш, 1 прожекторлы діңгек  орнатылған. Сонымен қатар, контейнерге операторлық  блок орналасса, жылыту торабы, автоматтық одоризация блогы орын тепкен, деп silteme.kz АА ОҚО әкімінің баспасөз қызметіне сілтеме жасап хабарлайды.