Жолға қатысты түс жорулардың бір парасы
19.11.2019ж.

Жолға қатысты түс жорулардың бір парасы

Білгенге маржан! Қазақ халқының жолға қатысты түс жоруларының бір парасын назарларыңызға ұсынамыз:

Автокөлік. Түсінде автокөлік мініп бара жатса – жағымды жаңалық. Үлкен істегі азырақ үзіліс.

 

Ақ бұлттардың көшуі – жолға шығу.

 

Ақ киім көрсең – жол жүресің.

 

Кімде-кім бір аяғының ұзарғанын көрсе – сапарға шығады.

 

Баланың   машинасы: түсінде баланың машинасын көру – сапарға шығудың белгісі. Баланың машинасын алып үйіне әкелгенін көру – сапарға шығу үшін дайындалып жүргенін, баланың машинасының бос болғанын көру – үйленген болса, балалы болатынын, бойдақ болса, үйленетінін білдіреді.

 

Бір кісі сафар, жол көрсе – сафарменен жорылар.

 

Біреу өзін жылан қуып жүргенін көрсе – өңінде бір пайдаға жолығады.

 

Даңғыл:   түсінде   үлкен  даңғылда   жүргенін   көрсе – материалдық және рухани қиыншылықтардан қиындықсыз   өтетінін   және   өмір   жолында   сенімділікпен жүретінін   білдіреді.   Даңғылда   емін-еркін   жүргенін   көрсе – ешқандай   қиындық   болмайтынын,   ал   әрең   жүріп келе жатқанын көрсе – кейбір қиыншылықтар кездесетінін   білдіреді.   Екі   шетінде   ағашы   бар   даңғылдың бойында жүрсе – ғалым немесе беделді адамнан   жәрдем   алатынын   білдіреді.   Даңғылдың   бойына   ағаш   отырғызғанын   көрсе –адамдарға   жәрдемін тигізетін перзенті болатынын білдіреді. Таза әрі реттелген даңғыл – мемлекеттегі істердің жақсы болатынына жорылады. Даңғылдан шығу – қиыншылықтан құтылатынына, тірлігінің алға басатынының белгісі.

 

 

Егер автокөліктен қашып жүрсеңіз – сіздің жолыңызда көре алмаушылық бар екенін хабарлайды.

 

Егер бір белгісіз түйеге мінер көрсе – сапар қылар.

 

Егерде бүкір жігіт сізге жол сілтеп тұрса – қуаныш, өз кәсібіңіз алға жылжиды.

 

Егер бір тірі битті тұтып лақтырып тастаса – ұстаған жолына қарсы бір іс қылғаны.

 

Егер жолаушылап келе жатқан кісі түсінде түлкі көретін болса – онда өңінде оның жолы болмайды, ал егер қасқыр көретін болса – онда өңінде оның сапары сәтті болады.

 

Егер кісі түсінде ерттеулі атқа мінсе – мұратына жетер.

 

Егер кісі түсінде көк түсті киім киетін болса—онда оның өңінде барша тілектері қабыл болып мұратына жетеді.

 

Егер кісі түсінде қоңды түйеге мініп жүрсе – онда ол мұратына жетеді.

 

Жер асты жолы: түсінде бұл түсті көру – білместен, қаламастан жаман іс істейтіндігін білдіреді. Жер асты жолымен   жүріп,   ол   жерден таза   су   табу – жақсылықтың белгісі. Ол жерде таза емес, лай суды көру –жаманшылық пен қиыншылықтың белгісі.

 

Жер шарының картасы: түсінде карта көру – сапарға шығудың белгісі. Түсінде картаға зер салып қарау – ұзақ сапарға шығуын білдіреді.

 

Жол: жолдың шетінде жүргенін көрген адамның дініне салғырт қарайтындығын білдіреді. Түсінде жол үстінде тура жүргенін көрген адамның саудада жолы болады. Жолынан адасып кеткен адам – сауапты іс пен дінінен айрылады. Егер қайта тауып алса – тура жолды табады. Жолда қалай қарай жүрерін білмей басы қатса – нәпсісін   тәрбиелей   алмай   жүрген   адамды   білдіреді.  

Қараңғы жолдан жүрген адам – тура жолдан ұзақтайды.

Қараңғы жерден жарыққа шыққан адам – тура жолға түседі.

Жол – діннің белгісі. Жолдың жағдайына қарай дінін де білуге болады.

 

 

Жолмен келе жатсаң – сырқат, жайсыз хабар.

 

Жолмен түзу жүріп бара жатса – хақ жолда екендігі.

 

Көпір – күдікті және осы дүние, байлық, ұзақ өмір немесе ауру, сөзінде тұру, тура жол, һидаят намаз, ораза.

 

Көшу: түсінде көшкенін көру – маңызды өзгеріс болып, аз уақыт қиындық көрген соң көңіліңіз жай табады.

 

Қисық жол көрсең – табыс

 

Пойыз – жақын жерге сапарға шығып, табыс табу.

 

Жинаған мәдениеттанушы-лингвист

А.Қалназаров

 

Silteme.kz ақпараттық-сараптамалық порталы қазақ тілінде жаңалықтар тарататын және талдамалық материалдар жариялайтын ақпараттық ресурс.

Материалдар мен ақпараттарды портал брендін көрсетіп, гиперсілтеме жасаған жағдайда ғана қолдануға рұқсат етіледі. Ақпараттан мәтін,  мәтін бөлігі немесе дәйексөз алынғанда міндетті түрде тиісті сілтеме көрсетілуі керек. Жазбаша түрде рұқсат берілмеген жағдайда ресурс өнімдерін коммерциялық мақсаттарға пайдалануға жол берілмейді. Авторлар пікірі мен редакция көзқарасының сәйкес келе бермеуі мүмкін. Жарнама мен хабарландырулардың мазмұнына жарнама беруші жауапты.

E-mail: info@silteme.kz
Тел.: +7 778 442 84 13

Әлеуметтік желілер