25 қазан күні Алматы қаласындағы «Книжный город» дүкенінде, сағат 12.00-де балаларға арналған жаңа кітаптың тұсаукесері болады, деп хабарлайды baq.kz.
21.10.2016, 15:31
«Алтын қалам» әдеби жүлдесінен балаларға базарлық
«Шимай-Шатпақ» деп аталатын туынды қазақстандық автор Мөкештегі Тұмардың тұңғыш кітабы. Бұл базарлықты «Алтын қалам» әдеби жүлдесі «Аруна» баспасымен бірлесе отырып жарыққа шығарды. Туындының бірінші бөлімінде Арлан есімді бала мен оның ойынан құрастырылған Шимай-Шимай екеуінің мектепте бастан кешкен қызықты оқиғалары суреттелген. Шимай бастапқы кезде көптеген бұзықтық жасап, күлкілі оқиғаларға тап болғанымен, кейін Арланның сыныптастарымен танысып, өзіне жаңа достар табады.
Кітаптағы суреттерді салған қазақстандық суретші Қайырхан Орымбаев. Бұл туынды 5 пен 8 жас аралығындағы балаларға арналған. Баспа кітаптың жалғасын, яғни келесі бөлімдерін, алдағы уақытта басып шығаруды жоспарлап отыр.
2009 жылы бастау алған «Алтын қалам» әдеби жүлдесінің мақсаты бүгінгі қазақ әдебиетінің дамуына және жас дарындар мен жаңа есімдердің қалың жұртқа танылуына ықпал ету. Биыл бесінші рет ұйымдастырылып жатқан байқауға жұмыстарды қабылдау қазанның 15-де аяқталды. Жеңімпаздарды марапаттау шарасы қараша айының соңына таман жоспарланған.
Ұқсас сілтемелер
Пікір жазу
Silteme.kz ақпараттық-сараптамалық порталы қазақ тілінде жаңалықтар тарататын және талдамалық материалдар жариялайтын ақпараттық ресурс.
Материалдар мен ақпараттарды портал брендін көрсетіп, гиперсілтеме жасаған жағдайда ғана қолдануға рұқсат етіледі. Ақпараттан мәтін, мәтін бөлігі немесе дәйексөз алынғанда міндетті түрде тиісті сілтеме көрсетілуі керек. Жазбаша түрде рұқсат берілмеген жағдайда ресурс өнімдерін коммерциялық мақсаттарға пайдалануға жол берілмейді. Авторлар пікірі мен редакция көзқарасының сәйкес келе бермеуі мүмкін. Жарнама мен хабарландырулардың мазмұнына жарнама беруші жауапты.
E-mail: info@silteme.kz
Тел.: +7 778 442 84 13