Кедей отбасынан шыққан спортшы бала күнінде бауырларымен күн көру үшін сәбіз, қызылша сияқты жемістердің тамырын, сондай-ақ бананмен тамақтанған. Осындай кедейліктің бейнетін көрген Мэнни отбасын асырау үшін 12 жасында жұмысқа орналасып, еңбектенген. Ол көше бойында тәттілер сатып, бос уақытында бокспен шұғылданған. Оған сол уақытта немере ағасы қолдау көрсетіп, көмектеске. Оның айтуынша, Мэнни ешқашан жалқау болмаған. Ол табандылығы мен еңбекқорлығының арқасында сегіз салмақ дәрежесінде әлем біріншілігін жеңіп алып, әлемдегі жалғыз боксшы атанды. Атақты спортшы бұдан бөлек саясатпен де айналысып, конгрестегі сайлауда жеңіске жетті. Мэнни Пакьяо жекпе-жектен алған алғашқы қомақты жүлдесіне өзі туып-өскен Танго елді мекенінің кедей тұрғындарына бірнеше үй салып берді. Уақыт өте келе үйсіз-күйсіз жүрген мың отбасыға баспана тұрғызған. Әлемге танымал бокшы Мэнни Пакьяо өз елді мекенін “Пакман-вилладж” деп атады. Ол балалар бос сенделіп, есірткіге әуес болып кеттпеуі үшін оларға арнап спорт алаңдарын, қоғамдық саябақ және көпбейінді орталық салдырды. Мэнни Филиппиндегі ең табысты және ең бай адамдардың қатарында. Кедей отбасынан шыққан атақты боксы ешқашан жетістігімен мақтанған емес. Ол өз ісімен жастарға, тұтастай алғанда әлемдегі барлық адамға үлгі бола білді.

Дереккөз: ktk.kz