Қазгидрометтің ақпаратынша, Жамбыл, Қызылорда, Оңтүстік Қазақстан облыстарының кей жерлерінде жел 15-20 м/с дейін күшейеді, шаңды дауыл көтеріледі. Маңғыстау, Қарағанды, күндіз Шығыс Қазақстан облыстарында жел тұрып, 20 м/с дейін күшейеді, түнде және таңертең жекелеген аудандарда тұман байқалады.

Ақтөбе, күндіз Қостанай облыстарының жекелеген аудандарында желдің жылдамдығы 18 м/с дейін барады. Ақмола, Солтүстік Қазақстан өңірлерінде түнде және таңертең тұман түседі. Павлодар, Қарағанды, Шығыс Қазақстан  облыстарында күн суытып, үсік жүреді, ауа температурасы 1-3 градусқа дейін төмендейді. Оңтүстік Қазақстан, Атырау облыстарында, сондай-ақ  Қарағанды, Жамбыл, Алматы облыстарының  басым бөлігінде, Шығыс Қазақстан, Ақтөбе облыстарының кей аудандарында жоғары өрт қаупі сақталады.