«Жасыратыны жоқ, техногендік өркениеттің ақпараттық тасқыны «медианы» адамзат діни көзқарасына ықпал ететін алып күшке айналдырды. Бұл ретте бүгінгі қоғамдағы көкейкесті мәселенің бірі – еліміздің мәдени және діни саясаттағы негізгі бағыт-бағдарын айқындап көрсету. «Медиа» әлемнің қоғамға қажетті сұраныстарына байланысты мәліметтер тарату барысында жағымды және жағымсыз ықпал етуде. Сондықтан да, «медиақауіпсіздік» мемлекет тарапынан ғылыми тұрғыда талданып, ақпараттық қауіпсіздік орнату мақсатында, оның ішінде әлеуметтік-діни қайшылықтарға алып келетін себеп-салдардың алдын алу үшін аса маңызды», - деді ол.

«Сондықтан, БАҚ арқылы таралып жатқан діни ақпаратты сауатты талдай алатын медиабілімін жоғарылататын білім беру маңыздылығы арта түседі. Ақпараттық қоғамдағы электронды-технологиялардың дамуы, халық арасында адамның ішкі «сүзгісін» дамыту үшін алдымен сыртқы сүзгіні жетілдіру іс-шаралары қажеттілігі туындап тұр», - деп атап өтті Е.Масанов.

Ғалымның айтуынша, бүгінгі күндегі, бір мезеттік, бір сәттік ақпараттарға діни институттар мен ғылыми орталықтар тығыз және шұғыл сараптама жасауына, еліміздің ақпараттық қауіпсіздігін сақтау мақсатында діни ақпараттардың ақ-қарасын ажыратып беретін мамандардың жауапкершілігін арттырумен өзара байланысты.

«Мемлекет пен халықты, адам мен адамды, әлем мен елді байланыстыратын медиа саласындағы қызметкерлердің халық арасында діни ақпаратты таратуға келгенде жауапкершілігін түсінген жөн», - деп түйіндеді Е.Масанов.