Тәуелсіздік күні қарсаңындағы қуанышты шараға аудан әкімі Ерлан Айтаханов қатысып, ауыл тұрғындарын мерейлі мерекемен шын жүректен құттықтап, қол жеткен Тәуелсіздігіміз бен Тұңғыш Президентіміздің сындарлы саясатының арқасында осындай игілікті істердің алдағы уақыттарда да өз жалғасын таба беретіндігін жеткізді.
Саябақтың ашылу салатанатындағы лента қию құрметіне ауыл ардагерлері К.Қаныбеков пен Т.Асановтар ие болды. Аумағы 10 га жуық алқапты алып жатқан саябаққа 4000-ға жуық түрлі ағаштар егілген болатын.
Ширек ғасырлық Тәуелсіздігіміздің мерейлі мерекесіне тарту болған аталмыш нысандарға тұрғындар дән разы болып, ауыл имамы П.Сапарбаев ақ батасын берді.
Шара соңы ауыл өнерпаздарының мерекелік концерттік бағдарламасымен жалғасты.