Показать содержимое по тегу: тарихұлтаралық байланыс

Шыңғысханның өзі құрған империя аумағын құрметті бәйбішесі Бөртеден туған төрт ұлы – Жошы, Шағатай, Үгедей мен Төлеге мұраға қалдырғаны мәлім. Кейіннен олар әлемнің төрт тарабына әмірі тараған ұлық ұлыстардың негізін қалады. Жошы әулеті Дешті-Қыпшақта билік етсе, Шағатай әулеті Жетісу, Мәуераннахр, Шығыс Түркістанда салтанат құрды. Төленің баласы Хулагу әулеті Иранда, Юань әулеті (Төленің ұрпақтары) Моңғолия мен Қытайда тітіретті. Бұл төрт буынның тарихи-саяси тағдыры қалай түрлі болса, олардың иеліктерінің рухани бағдары да түрлі бағытта дамыды. Төлелік Қытайды билеген тобы 1368 жылға дейін жергілікті Мин әулеті келгенше қытайланып, будистке айналды. Хулагуидтердің мемлекеті 1353 жылдарға қарай құлап түсті. Шағатайлықтардың мемлекеті XVII ғасырдың соңына дейін шыдас берді.