Ауғанстанда 50 миллион доллардың апиыны тәркіленген
03.12.2017, 13:27

Ауғанстанда 50 миллион доллардың апиыны тәркіленген

Ауғанстанның оңтүстігіндегі Гильменд уәлаятында құны 50 миллион доллар болатын апиынды қолға түсірген. Бұл туралы АҚШ және НАТО біріккен күштерінің басшысы генерал Джон Николсон мәлімдеген. Мамандардың есебі бойынша, әлем бойынша заңсыз айналымдағы апиынның 85 пайызы Ауғанстанда өндіріліп, шығарылады. Америкалық әскерилердің есебінше, "Талибан" қозғалысы қаржысының 60 пайызға жуығы заңсыз есірткі саудасынан түскен ақшадан құралады.

Қарашаның 19-ы күні басталған құрлықтағы әскери жорық барысында және әуе шабуылдары нәтижесінде героин өндірілетін зауыт-лабораториялар жойылған. Генерал Николсонның сөзінше, өзіне биыл тамызда АҚШ президенті Дональд Трамп жүктеген өкілеттік терроршыларды қаржыландыру көздеріне қарсы күресті тиімді жүргізуге мүмкіндік берген.

Қолға түскен апиын қоры толығымен жойылады деп хабарланды.

Ауғанстанның Пәкістанмен шекарасында орналасқан Гельменд уәлаяты ең ірі апиын өндіретін аудан саналады. Аймақтың көп бөлігі "Талибан" қозғалысы қарулы топтарының бақылауында. "Талибан" өкілдері апиын өндірісіне қатысы барын жоққа шығарады және өздері билікте болған кезде елде героин өндірісінің көлемі елеулі түрде азайғаны туралы айтады.

Дереккөз: azattyq.org

Copyright (c) 2013. RFE/RL, Inc. Reprinted with the permission of Radio Free Europe/Radio Liberty, 1201 Connecticut Ave., N.W. Washington DC 20036.

Silteme.kz ақпараттық-сараптамалық порталы қазақ тілінде жаңалықтар тарататын және талдамалық материалдар жариялайтын ақпараттық ресурс.

Материалдар мен ақпараттарды портал брендін көрсетіп, гиперсілтеме жасаған жағдайда ғана қолдануға рұқсат етіледі. Ақпараттан мәтін,  мәтін бөлігі немесе дәйексөз алынғанда міндетті түрде тиісті сілтеме көрсетілуі керек. Жазбаша түрде рұқсат берілмеген жағдайда ресурс өнімдерін коммерциялық мақсаттарға пайдалануға жол берілмейді. Авторлар пікірі мен редакция көзқарасының сәйкес келе бермеуі мүмкін. Жарнама мен хабарландырулардың мазмұнына жарнама беруші жауапты.

E-mail: info@silteme.kz
Тел.: +7 778 442 84 13

Әлеуметтік желілер