Сербияда Жамбыл ескерткіші ашылады
19.08.2016, 20:15

Сербияда Жамбыл ескерткіші ашылады

«Жамбыл – менің жай атым, халық – менің шын атым» деп жырлаған өлең-сөздің дүлділі, Ұлы дала жыршысы Жамбыл Жабаевтың туғанына биыл 170 жыл. Осыған орай Сербия астанасы ­– Белград қаласында ақын ескерткіші орнатылып, тас тұғырдың ашылу салтанатына Алматы облысынан арнайы делегация ертең жолға шықпақ, деп хабарлайды aikyn.kz.

Жағымды жаңалықты қыс соңында Алматы облысы Жамбыл ауылында өткен 170 жылдық мерейтой аясында сөйлеген сөзінде Алматы облысының әкімі Амандық Баталов жеткізген болатын. Мамыр айына жоспарланған шара бұйыртса алдағы аптаның басында жүзеге аспақ. Ресми делегацияның құрамында мемлекет және қоғам қайраткерлері, әнші-жыршылар бар. Шараға дипломатиялық миссиялардың басшылары, зиялы қауым өкілдері қатысады деп күтілуде. Сондай-ақ Жамбыл шығармашылығына арналған концерт жоспарланған.
Естеріңізге сала кетсек, ақын ескерткіші осыған дейін Ресейдің Санкт-Петербург қаласына бой көтерген. Ал Астрахань, Қазан, Калининград, Хабаровск, Уфа, Челябі, Волгоград, Нижний Тагиль, Кемеров, Қорған, Красноярск, Липецк, Нижний Новгород, Салават, Стерлитамак, Грозный қалаларында көше аты берілген. Өз еліміздегі ескерткіштерге келсек, Астана, Алматы, Тараз, Өскемен, Петропавл қаласында орын тепкен.
Мұхтар Әуезов көзі тірісінде Жамбылды «ақындардың ақыны, айдын көлдей ақылы» деп атаса, беріректе Елбасымыз Нұрсұлтан Назарбаев «Адалдық пен адамгершіліктің, әділеттілік пен ізгіліктің алып жыршысы» деген тарихи баға берді.

 

Silteme.kz ақпараттық-сараптамалық порталы қазақ тілінде жаңалықтар тарататын және талдамалық материалдар жариялайтын ақпараттық ресурс.

Материалдар мен ақпараттарды портал брендін көрсетіп, гиперсілтеме жасаған жағдайда ғана қолдануға рұқсат етіледі. Ақпараттан мәтін,  мәтін бөлігі немесе дәйексөз алынғанда міндетті түрде тиісті сілтеме көрсетілуі керек. Жазбаша түрде рұқсат берілмеген жағдайда ресурс өнімдерін коммерциялық мақсаттарға пайдалануға жол берілмейді. Авторлар пікірі мен редакция көзқарасының сәйкес келе бермеуі мүмкін. Жарнама мен хабарландырулардың мазмұнына жарнама беруші жауапты.

E-mail: info@silteme.kz
Тел.: +7 778 442 84 13

Әлеуметтік желілер