Универсиада-2017 бойтұмары бекітілді
23.08.2016, 18:42

Универсиада-2017 бойтұмары бекітілді

Универсиада-2017 бойтұмары бекітілді http://mks.gov.kz/

ҚР Премьер-Министрінің орынбасары Дариға Назарбаеваның төрағалық етуімен 2017 жылы өтетін 28-ші Бүкіләлемдік қысқы Универсиаданы өткізуге дайындық жөніндегі Ұйымдастыру комитетінің отырысы барысында Ұйымдастыру комитетінің шешімімен Универсиаданың Сұңқар атты бойтұмарының негізгі нұсқасы бекітілді. Бұл туралы Қазақстан Республикасы Мәдениет және спорт министрлігінің сайты жариялады. 

«Әуел бастан, қысқы Универсиада бойтұмары ретінде сұңқар құсы таңдалған болатын. Алайда, бастапқы үлгілер көңілден шықпаған соң, жаңа үлгісін жасап шығаруды ұйғардық. Бұл «Сұңқардың» біз жасаған үшінші үлгісі. Осы жолы оның басына қазақтың ойын-өрнегі бар малақай кигіздік», - деді Универсиада-2017 дирекциясының басшысы Наиль Нұров.

Еске салып кетсек, 28-ші Бүкіләлемдік қысқы Универсиада Алматы қаласында 2017 жылғы 29 қаңтар мен 8 ақпан аралығында өтеді. Жарыс барысында 12 спорт түрінен 86 жүлделер топтамасы сарапқа салынады. Бүгінгі күні 58 мемлекет қатысу өтінімдерін жолдап, 3 393 қатысушы аккредитациядан өтті. Универсиадаға арнап салынып жатқан жаңа объектілердің дайындығы 90% жоғары құрайды.

 

Silteme.kz ақпараттық-сараптамалық порталы қазақ тілінде жаңалықтар тарататын және талдамалық материалдар жариялайтын ақпараттық ресурс.

Материалдар мен ақпараттарды портал брендін көрсетіп, гиперсілтеме жасаған жағдайда ғана қолдануға рұқсат етіледі. Ақпараттан мәтін,  мәтін бөлігі немесе дәйексөз алынғанда міндетті түрде тиісті сілтеме көрсетілуі керек. Жазбаша түрде рұқсат берілмеген жағдайда ресурс өнімдерін коммерциялық мақсаттарға пайдалануға жол берілмейді. Авторлар пікірі мен редакция көзқарасының сәйкес келе бермеуі мүмкін. Жарнама мен хабарландырулардың мазмұнына жарнама беруші жауапты.

E-mail: info@silteme.kz
Тел.: +7 778 442 84 13

Әлеуметтік желілер