Дымқыл күйінде жинап қойған заттар иістене бастаса, сірке суы құйылған суда қайта жуып, әбден шайқаңыз.
Жібек киімді ішкі жағынан ыстықтау үтікпен үтіктейді. Су бүркуге
болмайды, су тиген жерлері бүріліп, қыртыстар пайда болады.
Зығыр және мақтадан тігілген киімді дымқыл кезде ыстық үтікпен сыртқы бетінен үтіктейді.
Жүн матадан тігілген заттар тез отырады, сол себепті ішкі жағынан сулы шүберекпен үтіктейді.
Томпайтып тоқыған өрнектері бар киімді жұмсақ нәрсенің үстіне қойып, шүберек жауып, қатты баспай, суретінің бағыты бойынша үтіктейді.
Терезе жапқыштарын жақсылып керіп, түйреуіш-термен қыстырып қойып үтіктеген жөн. Синтетиканың ыстық үтіктен пырысып қалатыны бар, сақ болу керек.
Барқыт пен мақпалды ілулі күйде, теріс жағынан су бүркіп, үтікпен жанамалап қана жүргізіп отырған жөн. Мұнда үтіктен гөрі, ыстық будың ықпалы қызмет атқаратыны есте болсын. Буға бөккен кезде ғана мата талшығы өз қалпына келеді.
Киімнің желбірлерін алдымен шет-шетінен, содан соң тұтастай үтіктеп шығады.
Қиықтай пішілген заттарды тоқылған жібінің ұзына бойын қуалап үтіктер болар.
Алабажақ мақта-матадан тігілген заттарды өңі кіріп, ашылуы үшін жуғаннан кейін шайқайтын суға аздап сірке суын қосады. Үтіктегенде де сірке суы қосылған сумен шыланған шүберек арқылы үтік басады.
Төсек-орын тыстарын: сейсеп, жайма, жапқыштарды әр кезде әртүрлі етіп бүктейді. Олай болатыны, ылғи бір жерінен бүктелсе, қыр түскен тұстары тез жыртылады. Ал крахмалдар болсаңыз, оған аздап тұз қосыңыз, сонда үтік матаға жабыспайды.
Үтіктеген кезде аздап күйдіріп алсаңыз, сол жерін бор қышқылы ертіндісімен дымдап, одан соң бөлме температурасындағы сумен жуып жіберіңіз.
©kyzdaralemi.kz