Показать содержимое по тегу: Елорда

Соңғы жылдары Қазақстанда, әсіресе елордада қан донорлығы белсенді дами бастады. Мәселен, 2020 жылы Трансфузиология ғылыми-өндірістік орталығына күніне 90-ға жуық донация жүргізілсе, биыл 120-ға жуық донация жасалды. Орталықтың баспасөз қызметі кім және қалай донор бола алатыны, сондай-ақ осы мәселе бойынша жиі кездесетін қиындықтарды жою мәселесі айтылды, деп хабарлайды Нұр-Сұлтан әкімдігінің ресми сайты.

Нұр-Сұлтан қаласының әкімі Алтай Көлгінов Instagram парақшасында қалада қоғамдық тәртіпті нығайту және қауіпсіздікті қамтамасыз ету бойынша жүргізіліп жатқан жұмыстар туралы айтты, деп хабарлайды елорда әкімдігінің ресми сайты.

Нұр-Сұлтан қаласының әкімі Алтай Көлгінов Instagram парақшасында іске асып жатқан IT-жобалар туралы мәлім етті, деп хабарлайды елорда әкімдігінің ресми сайты.

«Осыдан бір жыл бұрын ІТ-кеңестің жұмысын бастадық. Ол цифрлық технологияларды одан әрі дамытып, енгізуге бағытталған. ІТ-кеңестегі әрбір кездесу жай ғана кездесу емес, бұл қала мен тұрғындарға қажет нақты жобаларды кәсіби тұрғыда талқылап, енгізу.

Мемлекет басшысы атап өткендей, «цифрландыру – барлық реформалардың базалық элементі».

Мысалы, пандемия кезінде пациенттерді медициналық мекемелерге біркелкі таратуға мүмкіндік беретін қосымшалар жасалды, телемедицина енгізілді және т.б.

Сонымен қатар, ІТ-кеңесте таныстырылған бірқатар жоба басқа да салаларға енгізілді. Мысалы, 20-дан астам мектепте химия, биология, физика сияқты пәндерді көрнекі түрде көрсетуге мүмкіндік беретін Roqed Science бағдарламасы енгізілді. Бұл оқушыларға материалдарды түсіндіруге мүмкіндік береді.

Сонымен қатар бірқатар мектепте Smart Recirculation Control жобасы іске қосылды. Инновациялық технология ауаны тазартуға және зарарсыздандыруға, сол арқылы үй-жайды ионизациялауға, ауаның түтінденуіне мониторинг жүргізуге, тәулік бойы бейнебақылау мен визуалды бақылау жүргізуге мүмкіндік береді. Сондай-ақ, дене температурасын өлшейтін, масканың бар-жоғын бірден білетін жүйе іске қосылды.

Қаланы ауқымды цифрландыруды жүргізетініміз туралы айтқан болатынмын. Мысалы, инженерлік желілерді цифрландыру олардың нақты жағдайын көруге, жөндеу жұмыстарын уақтылы жүргізуге, қажет болған жағдайда қуатты арттыруға, тәуекелдерді азайтуға және т.б. мүмкіндік береді. Қаланы цифрландыру жұмысы қазір аяқталуға жақын.

Сонымен қатар, ұсынылған жобалардың арасында экология, қауіпсіздік, әлеуметтік салалардағы жобалар да бар. Мысалы, жасыл желектерді түгендеу, люктердің мониторингі, заңсыз қоқыстардың алдын алу және анықтауды бақылау және т.б. үшін жүйелер әзірленді. Іріктелген жобалар толықтай іске асырылады», - деп жазды елорда әкімі.

Нұр-Сұлтан қаласының әкімі Алтай Көлгінов Instagram парақшасында бас онколог Мұхтар Есжанұлы «Қазақстанның Еңбек Ері» атанғанын мәлім етті, деп хабарлайды елорда әкімдігінің ресми сайты.

«Пандемияның негізгі соққысы медицина қызметкерлеріне тиді. Алғашқы күннен бастап олар алдыңғы шепте коронавируспен күресті. Қала тұрғындарын аталмыш инфекциядан бөлек басқа аурулардан да емдейді. Медицина қызметкерлерінің қажырлы еңбегінің арқасында мыңдаған адамның өмірі құтқарылды. Ел Тәуелсіздігінің 30 жылдығы қарсаңында Нұр-Сұлтан қаласының медицина ұйымдарының дәрігерлері, орта және кіші буын қызметкерлері жалпы 350-ден астам маман түрлі медальдармен, наградалармен марапатталды.

Мұхтар Есенжанұлы қаламыздың бас онколог маманы. Оған «Қазақстанның Еңбек Ері» атағы берілді. Пандемия басталғалы бері Мұхтар Есенжанұлы науқастарды емдеу үшін төсек-орындар дайындап, шетелден келген алғашқы науқастарды қабылдады, жаңа инфекциялық стационардың жұмысын ұйымдастыруға қатысты. Ол басқаратын көпбейінді медициналық орталық COVID-19 инфекциясынан 15 мыңнан астам науқасты емдеді.

Сонымен қатар, үйлесімді жұмыстың арқасында орталықтың онкологиялық бөлімшесінің жұмысы бір күнге тоқтаған жоқ. Онкологиясы бар 8 мыңнан астам пациент емделді, 3 мыңнан астам операция жасалды. Карантин кезінде онкопациенттерге дәрі-дәрмектерді үйге жеткізу ұйымдастырылды. Сонымен қатар, қосымша инсульт орталығы ашылды, ол жоспарлы және шұғыл пациенттерді қабылдайды.

Елорданың бас онкологын «Қазақстанның Еңбек Ері» атағымен шын жүректен құттықтаймын! Мұхтар Есенжанұлы тағы да жүздеген науқасты аяққа тұрғызатынын білемін!

Ел басшылығы медицина қызметкерлерін қолдау шараларына ерекше назар аударады. Президенттің тапсырмасы бойынша денсаулық сақтау саласын одан әрі дамытуды жалғастырамыз», - деп жазды елорда әкімі.

Фото: Александр Куприенко

Елордада осы жылдың күз айының соңына дейін аналогты теледидарды толығымен өшіріп, сандық телеарнаға көшіру жоспарлануда. Бұл жұмыс цифрлық эфирлік телехабар таратуды енгізу бойынша жобаны іске асырудың төртінші кезеңі аясында жүргізілуде, деп хабарлайды Нұр-Сұлтан әкімдігінің ресми сайты.