Суицидті насихаттайтын әлеуметтік желілерге шектеу қойылады
29.11.2016, 13:12

Суицидті насихаттайтын әлеуметтік желілерге шектеу қойылады

Қазақстанда жастарға өз-өзіне қол жұмсауды үгіттейтін әлеуметтік желілер мен интернет-ресурстар анықталған жағдайда, бірден жабылады, деп хабарлайды jasqazaq.kz

«Қазақстан заңнамасына сай келмейтін материалдар анықталған жағдайда интернет-ресурстың меншікті мекен-жайына оларды жою туралы ескерту хаты жіберіледі. Меншік иесі құқық бұзушылықтарды жоймаған жағдайда, комитет «Байланыс туралы» ҚР заңының 41-1-бабында көрсетілген тәртіппен байланыс операторына интернет-ресурста жарияланған ақпаратқа шектеу қою туралы ұсыныс енгізеді», – дейді Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінің өкілдері.
Сонымен қатар, министрлік «Бұқаралық ақпарат құралдары туралы» ҚР Заңының 13-бабы 3-тармағына сәйкес суицидті насихаттайтын материалдарды тарату заңнамада бекітілген тәртіппен бұқаралық ақпарат құралының шығуына тосқауыл қоюға негіз болады. Осылайша, заңнамада суицидті насихаттау белгілері бар кез келген материалды БАҚ-та жариялауға тыйым салынған.
«2016 жылдың қаңтары мен 25 қарашасына дейінгі кезеңде комитет ескерту жұмыстары аясында «ВКонтакте», «Одноклассники» әлеуметтік желілерінің және басқа да интернет-ресурстардың әкімшілерінің мекен-жайына жастар арасындағы суицидті насихаттау белгілері бар 211 ақпараттық материалға (оның 161-і әлеуметтік желілерде орналастырылған) қатысты ескерту хатын жіберді. Бүгінгі таңда аталған барлық материалдарға қатысты интернет-ресурстардың меншік иелелері оларды жою немесе Қазақстан аумағында кіруге шектеу қою шараларын қабылдады», – дейді Ақпарат және коммуникациялар министрлігі мамандары.

Silteme.kz ақпараттық-сараптамалық порталы қазақ тілінде жаңалықтар тарататын және талдамалық материалдар жариялайтын ақпараттық ресурс.

Материалдар мен ақпараттарды портал брендін көрсетіп, гиперсілтеме жасаған жағдайда ғана қолдануға рұқсат етіледі. Ақпараттан мәтін,  мәтін бөлігі немесе дәйексөз алынғанда міндетті түрде тиісті сілтеме көрсетілуі керек. Жазбаша түрде рұқсат берілмеген жағдайда ресурс өнімдерін коммерциялық мақсаттарға пайдалануға жол берілмейді. Авторлар пікірі мен редакция көзқарасының сәйкес келе бермеуі мүмкін. Жарнама мен хабарландырулардың мазмұнына жарнама беруші жауапты.

E-mail: info@silteme.kz
Тел.: +7 778 442 84 13

Әлеуметтік желілер